ତୁମରି ଖୁସିରେ - ସିଦ୍ଧେଶ୍ଵର ତ୍ରିପାଠୀ

ତୁମରି ଖୁସିରେ - ସିଦ୍ଧେଶ୍ଵର ତ୍ରିପାଠୀ

ଲକ୍ଷେ ଶ୍ରାବଣରେ ତୁମେ ଭିଜୁଥାଅ
ପ୍ରୀତିବୋଳା ବରଷାରେ
ମୋ ଜୀବନେ ଆସୁ କୋଟିଏ ନିଦାଘ
ଭିଜିବି ମୁଁ ଲୋତକରେ ।


ତୁମ ଚଲାବାଟେ କୋଳାହଳ ଭରୁ
ନୀରବି ଯାଉ ମୋ ପଥ
ତୁମ ପାଇଁ ଥାଉ ପ୍ରେମର ସଙ୍ଗୀତ
ମୋ ପାଇଁ ଦୁଃଖର ଗୀତ ।

ତୁମରି ସପନ ସତ ହୋଇଯାଉ
ନିଆଁ ଲାଗୁ ମୋ ଇଚ୍ଛାରେ
ଲକ୍ଷେ ଶ୍ରାବଣରେ ତୁମେ ଭିଜୁଥାଆ
ପ୍ରୀତି ବୋଳା ବରଷା ରେ - - -

ସରୁ ମୋର ଦିନ ଯାଉ ଏ ଜୀବନ
ତୁମ ଓଠ ହସୁଥାଉ
ତୁମ ଅତି ପ୍ରିୟ ମନ ମଣିଷକୁ
ମୋ ଆୟୁଷ ଲାଗିଯାଉ ।

ଧୂଳି କଣା ଟିଏ ନଲାଗୁ କଣ୍ଢେଇ
ତୁମସିନ୍ଥି ସିନ୍ଦୂରରେ
ଲକ୍ଷେ ଶ୍ରାବଣରେ ତୁମେ ଭିଜୁଥାଅ
ପ୍ରୀତି ବୋଳା ବରଷାରେ...


ସିଦ୍ଧେଶ୍ବର ତ୍ରିପାଠୀ

0 Comments