ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ତୁମେ କି ଗୋ ନୀଳ ପରୀ - ପ୍ରଫୁଲ୍ଲ ଚନ୍ଦ୍ର ମିଶ୍ର

ତୁମେ କି ଗୋ ନୀଳ ପରୀ - ପ୍ରଫୁଲ୍ଲ ଚନ୍ଦ୍ର ମିଶ୍ର

ସତେ କି ଖସିପଡିଲା ବିଜୁଳି
ଉଡିଲା କି ନୀଳପରୀ
ଫୁଟି ଉଠିଲାକି କୁମୁଦ କଳିକା
ନୀଳ ଜଳରାଶି ଚିରି ।।

ଅଳକା ପୁରୀ ର ଅଳସୀ କନ୍ୟା
ସତେକି ମଉନା ବତୀ
ରମ୍ଭା କି ଉର୍ବଶୀ ତହୁଁ ବଳି ଦିଶି
ଯାଉଥାଅ ତୁମେ ସାଥି
ମୋ ମନ କରିଲ ଚୋରି ।
ସତେକି ଖସିପଡିଲା ବିଜୁଳି ।।

ସାଗର ଲହରୀ ନୀଳ ଢେଉ ସମ
ଚୁର୍ଣ୍ଣ କୁଞ୍ଚତ କୁନ୍ତଳ
ଶଶି ମୁଖୀ ତୋର ଦୁଇ ଏଣୀ ଆଖି
ରୂପ ବଡ଼ ମନୋହର
ଆନମନା ଦିଏ କରି ।
ସତେକି ଖସି ପଡ଼ିଲା ବିଜୁଳି ।।

ଅଧରେ ମଧୁର କ୍ଷିଣ ସ୍ମିତ ରେଖା
ପ୍ରିତୀ ପାରିଜାତ ପୁଷ୍ପ
ବିଧାତା କି ସତେ ସରଜିଲା ତୋତେ
ଜାଳିବାକୁ ପ୍ରେମ ଦ୍ବୀପ
ମଧୁମୟ ତନୁ ବଲ୍ଲରୀ ।
ସତେକି ଖସି ପଡ଼ିଲା ବିଜୁଳି ।।

ପଲକ ପଡେନି ଦେଖୁଥିଲେ ତୋର
ସେ ଗଜ ଗମନୀ ଚାଲି
ନୀଳ ମେଘେ ଅବା ନାଚେ ସୈାଦାମିନୀ
ସଂଜ ଦ୍ବୀପ ଯାଏ ଜଳି
ଦେଖି ମନଯାଏ ପୁରି ।
ସତେକି ଖସି ପଡ଼ିଲା ବିଜୁଳି ।।

କୋଟିଏ ଚମ୍ପା ସଉରଭ ଛୁଟେ
ତୁମେ କି କାଞ୍ଚନ ସୁମ
ନନ୍ଦନ ବନର ଅବା ପାରିଜାତ
ଦିଶେ କୁଆଁ ତାରା ସମ
ସରଗର ଅପସରୀ ।
ସତେ କି ଖସି ପଡ଼ିଲା ବିଜୁଳି ।।

0 Comments