Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଏବେବି ରେବତୀ ବଞ୍ଚିଛି - ଗୋପାଳ ଚନ୍ଦ୍ର ସାଓ

ଏବେବି ସେ ରେବତୀ ବଂଚିଛି
ଫରକ ଏତିକି ଯେ
ସେତେବେଳେ ଖାଲି
ନିନ୍ଦା ଅପବାଦ
ସହି କାନ୍ଦୁଥିଲା ହେଲେ ...
ଏବେ ଦୁଇ ପାଦ ଆଗେଇ ଯାଇଛି
କେତେବେଳେ ସିଏ ନିର୍ଯାତିତା ତ
କେତେବେଳେ ନିର୍ଯାତନା ଦେଉଛି
କେତେବେଳେ ଯୌତୁକ ନିଆଁ ରେ
ଜଳୁଛି ତ କେତେବେଳେ ବୀରହ ନିଆଁ ରେ ନିଜେ ନିଆକୁ ଜାଳୁଛି
ପୁଣି କେବେ ପାଠ ପଢି ଆଗକୁ ବଢୁଛି ତ କେବେ ନିଜ ଗୋଡେ ବୁଡ଼ିଆ ମାରୁଛି
....ତଥାପି
ଏବେବି ରେବତୀ ବଂଚିଛି
କେବେ ରେବତୀ ହୋଇ ସିଝୁଛି ତ
ଆଉ କେବେ ରେବତୀ ପାଇଁ
ଦୁଃଖ ଯନ୍ତ୍ରଣା ବାଢୁଛି
ନିଜେ ନିଜକୁ ବିକଳାଙ୍ଗ କରି
ଦୁନିଆଁ କୁ କାରଣ ପଚାରୁଥିବା
ରେବତୀ ବି ଏଠି ରେବତୀର ଠିକଣା
ଓ ପରିଚୟ ପଚାରି ବସୁଛି
ମୁଁ କହିବି ଏବେବି ରେବତୀ ବଞ୍ଚିଛି


ଗୋପାଳ ଚନ୍ଦ୍ର ସାଓ
ବାରିପଦା, ମୟୂରଭଞ୍ଜ

Post a Comment

0 Comments