OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ପାନ୍ଥଶାଳା - ପ୍ରଫୁଲ୍ଲ ଚନ୍ଦ୍ର ମିଶ୍ର

ପାନ୍ଥଶାଳା - ପ୍ରଫୁଲ୍ଲ ଚନ୍ଦ୍ର ମିଶ୍ର

ପାନ୍ଥ ମୁଁ ଆଜି ପଥଶ୍ରାନ୍ତ ଏଠି ଖୋଜୁଅଛି ପାନ୍ଥଶାଳା
ଦୁର୍ଗମ ଏଇ ପଥପ୍ରାନ୍ତେ ମୁଁ ଏକା ଏକା ଦିଗହରା ॥
ମଣିଷ ଗହଳେ ହଜିଗଲା ଭଳି ମନ ମୋ ଯାଉଛି ମାରି
ଖୋଜି ଖୋଜି ନିଜେ ନିଖୋଜ ହେଲିଣି ଅନ୍ଧାର ଆସଇ ମାଡ଼ି ॥
ଆସ ଆସ ବୋଲି ଅଦୂରରୁ ଶୁଭେ ଏ କେଉଁ ମଧୁର ସ୍ଵର
ଶବଦବାରି ମୋ ମନେ ପ୍ରତେ ହୁଏ ସତେକି କିଏ ନିଜର ॥
କେବେ କେବେ ଶୁଭେ ଏ ଯେଉଁ ଶବ୍ଦ କାଳଭୈରବ ରଡି
ସତେ ବା ଅଦିନେ କରାଳ ମୃତ୍ୟୁ ଡ଼ାକଇ କି ହାତଠାରି ॥
ବେସାହାରା ଏଇ ନିର୍ଜନ ବେଳାରେ ହୃଦୟର ବ୍ୟଥା ଚାପି
ସ୍ଵାର୍ଥ ସମାଜେ ନିଃସ୍ଵାର୍ଥପର କେ ଜଣେ ଦେଖୁନାହିଁ ଏଠି ॥
କାହିଁ ଆହା ମୋର ଇପ୍ସିତ ସେଇ ସ୍ୱପ୍ନର ପାନ୍ଥଶାଳା
ସରି ସରି ଆସେ ଦିବସ ଆକାଶେ ଫୁଟି ଉଠିଲେଣି ତାରା ॥
ଅସୀମ ଅଟେ ମୋ ଯାତ୍ରାପଥ ମୁଁ ଯାତ୍ରୀ ଦୁନିଆଁ ହାଟେ
ଖୋଜେ ପାନ୍ଥଶାଳା ତୃଷିତ ନୟନେ ମୋର ଏଇ ଯିବା ବାଟେ ॥
ଅସହ୍ୟ ବେଦନା ଭୋଗଇ ସିନା ମୁଁ ସାହା ଭରଷା ମୋ ନାହିଁ
କହ କହ ବନ୍ଧୁ କହ ସହୋଦର ସେ ପାନ୍ଥଶାଳା ମୋ କାହିଁ ??




ମଙ୍ଗଳାଯୋଡି, ଖୋରଧା,
ଦୂରଭାଷ : ୯୪୩୮୩୯୨୮୦୨

1 Comments

  1. ହୃଦୟସ୍ପର୍ଶୀ ଓ ଦର୍ଶନ ଭିତ୍ତିକ କବିତା

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।