ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଅଗ୍ନି ବଳୟ - ପ୍ରଶାନ୍ତ କୁମାର ସାହୁ

ଅଗ୍ନି ବଳୟ - ପ୍ରଶାନ୍ତ କୁମାର ସାହୁ

ଝୁଲିଝୁଲି ବାଟ ଖୋଜନାହିଁ
ସବୁଠି ତ ନିଆଁ ...
ଆଗପଛ ଚାରିପାଖ
ଦେଖିନିଅ ଅଗ୍ନି ବଳୟ !
ଛଳନାହୀନ ହୃଦୟଟା ଥିଲେ
ଶୀତଳତାର କବଚ଼ ପିନ୍ଧି
ହୋଇଥାନ୍ତା ଜଳପତି !
ପଞ୍ଚବାଣ ବିଦ୍ଧ ହୃଦୟ କି ବୁଝେ
ନିୟତିର ବଦ୍ଧାଞ୍ଜଳି ...
ଘୁରିଯାଅ କିଛି ବର୍ଷ ଏକାଏକା,
ରାସ୍ତା ଆପେଆପେ ଫିଟିଯିବ!
ଫେରିଯିବ ନା ଆଗେଇବ ?
ପାଉଁଶ ବୋଳି ହୋଇ ଶୋଇଯିବ
ନା ପାଣି ଚିକେ ଢଞାଳି
ମଥାରେ ଟୀକା ଲଗାଇବ !
ତୁମ ପାରଖୀର ଅନ୍ତ କାହିଁ ...
ଓହ୍ଲେଇବାକୁ ହେବ
ନିୟତିର ଘେରାମାରିବାକୁ !
ଅକୀର୍ତ୍ତିର ଘଣ୍ଟନାଦ ଶୁଣିବାକୁ,
ବୁଝିପାରିବ ବିଫଳତା ବି
କେଉଁ ପ୍ରୟାସର ଫଳ !
ନିଆଁଟା କଅଁଳ ଲାଗିବ ...
ପାଇଯିବ ପ୍ରଶଂସାର ସ୍ମାରକୀଟିଏ,
କହୁଥିବ ନିଆଁକୁ ନିନ୍ଦିଛି ବା କିଏ ?



ଛତ୍ରଗଡ଼, ଖୋର୍ଦ୍ଧା

2 Comments

  1. ହେମନ୍ତ କୁମାର ବରାଇJune 20, 2018 at 12:02 AM

    ଭଲ ଲାଗିଲା କବିତାଟି

    ReplyDelete
  2. ଆନ୍ତରିକ ଧନ୍ୟବାଦ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।