ସମ୍ପର୍କେ ପଡିଲା ଫାଟ - ପ୍ରକାଶ କୁମାର ଚାନ୍ଦ

ସମ୍ପର୍କେ ପଡିଲା ଫାଟ - ପ୍ରକାଶ କୁମାର ଚାନ୍ଦ

ଆଉ ଝୁରିବନି ଏଇ ମନ ତତେ
ଆଉ ହସିବନି ଓଠ
ଆଉ ପଡିବନି ତୋ ଗଳିରେ ପାଦ
ଆଉ ହେବି ନାହିଁ ଦୁଷ୍ଟ ॥

ଆଉ ଲେଖିବିନି ତୋ ପାଇଁ ଚିଠିଟେ
ରାତି ସାରା ଚେଇଁ ଚେଇଁ
ଆଉ ଚାହିଁବିନି ତୋହରି ବାଟକୁ
ଛାଇଟିକୁ ସାଥେ ନେଇ
ବୁଝେଇ ଦେଇଛି ମନକୁ ମୋହର
ହେଲେ ହେଉ ପଛେ କଷ୍ଟ ॥


ଆଉ ଯିବି ନାହିଁ ସେଇ ନଈକୂଳ
ଯୋଉଠି ତ ହୁଏ ଦେଖା
ଆଉ ଦେବି ନାହିଁ ତତେ ପ୍ରତିଶ୍ରୁତି
ହୋଇଗଲି ଆଜି ଏକା
ଆଜିଠାରୁ ସାଥି ତୋହର ମୋହର
ସମ୍ପର୍କେ ପଡିଲା ଫାଟ ॥



ପ୍ରକାଶ କୁମାର ଚାନ୍ଦ,
ଜୟପୁର ଶାସନ, ପିପିଲି, ପୁରୀ,
ଦୂରଭାଷ : ୯୮୫୩୩୫୪୯୩୮

1 Comments

  1. - ହୃଷୀକେଶ ପାଢୀ,ବୋଳକଣା, ଡେଲାଙ୍ଗ, ପୁରୀ।June 22, 2018 at 7:19 PM

    ବହୁତ ସୁନ୍ଦର ।
    ଚମତ୍କାର ।
    ଭଲ ଲାଗିଲା କବିତାଟି।

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।