ପରମ୍ପରାକୁ ସର୍ଵେ ମନେ ହେଜ - ଜିତେନ୍ଦ୍ର ସାହୁ

ପରମ୍ପରାକୁ ସର୍ଵେ ମନେ ହେଜ - ଜିତେନ୍ଦ୍ର ସାହୁ

ଆଷାଢେ ପହିଲି ବରଷା ଝରିଲେ
ଦୂର ହୁଅଇ ନିଦାଘ ଦାରୁଣ,
ମେଘ ଓ ମାଟିର ଅପୂର୍ବ ମିଳନେ
ହୁଅଇ ରଜ ପରବ ପାଳନ,,।।
ସିଞ୍ଚିହେଲା ପରେ ବୁନ୍ଦାବୁନ୍ଦା ବାରି
ଧରଣୀ ହୁଅଇ ରଜସ୍ବଳା,
ରଜ ତିନିଦିନ ନିଏ ସେ ବିଶ୍ରାମ
କମେଇବାକୁ ତା ଶରୀର ଜ୍ବାଳା,,।।
ଛିଟା ମେଘ ଛାଟି ଚୁମି ଦେଲେ ମାଟି
ବଢେ ମାଟି ମା' ପ୍ରଜନନ ଶକ୍ତି,
ଶୁଦ୍ଧ ସ୍ନାନପରେ ଧରଣୀ ସତରେ
ସମସ୍ତ ପୀଡାରୁ ହୁଅଇ ମୁକ୍ତି,,।।
ରଜର ପରବ ରାଜ୍ୟର ଗୌରବ
କୁଆଁରୀଙ୍କ ସଜ ଲାଗେ ନିଆରା,
ରଜ ଦୋଳି ଖେଳ ସଙ୍ଗେ ପୁଚି ଖେଳ
ରଜନେଇ ଆସେ କେତେ ପସରା,,।।
ଜଙ୍ଗଲେ ହୁଏତ ନାହିଁ ଆଉ ଗଜ
ଆସଇ କିନ୍ତୁ ନୂଆଁ ରଙ୍ଗେ ରଜ,
ରଜଦୋଳି ଗୀତ ନଶୁଭୁ ପଛକେ
ପରମ୍ପରାକୁ ସର୍ବେ ମନେ ହେଜ,,।।



ଏମ୍.ତେନ୍ତୁଳିଆ, ପୋଲସରା, ଗଞ୍ଜାମ

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।