OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ହେ ନୀଳାଦ୍ରି ନାୟକ - ପ୍ରଫୁଲ୍ଲ ଚନ୍ଦ୍ର ମିଶ୍ର

ହେ ନୀଳାଦ୍ରି ନାୟକ - ପ୍ରଫୁଲ୍ଲ ଚନ୍ଦ୍ର ମିଶ୍ର

ତୁମେ କି ବୁଝିବ ଦୁଃଖୀ ର ଦୁଃଖ
ହେ ନୀଳାଦ୍ରି ନାୟକ
ବଡ଼ ଦେଉଳ ର ବଡ ଦିଅଁ ତୁମେ
ତୁମେ କି ଶୁଣିବ ଗରୀବ ଡାକ ।।

ଜରାଜୀର୍ଣ୍ଣ ମୋର ଭଙ୍ଗା କୁଡିଆ
ଦିନରେ ସୂରୁଯ ରାତିରେ ତାରା
ଦୀନ ଦାରିଦ୍ର୍ୟତା ଭରିଦେଲ ପୁଣି
ଦାଉ ସାଜଇ ମୋ ପେଟର ଭୋକ
ତୁମେ କି ବୁଝିବ ଦୁଃଖୀ ର ଦୁଃଖ ।।


ଅସହ୍ୟ ଯନ୍ତ୍ରଣା ଦୁଃଖ ଆବର
ସହି ସହି ଏବେ ତୁଠ ପଥର
ଜୀବନ ଜଞ୍ଜାଳ ଭିତରେ ଏମିତି
କଟିଲାଣି ଆସି ଜୀବନ ଯାକ
ତୁମେ କି ବୁଝିବ ଦୁଃଖୀ ର ଦୁଃଖ ।।

ତୁମ ଭରଷା ରେ ଚାଲିଲି ବାଟ
ଅଧାବାଟ ନେଇ ଛାଡ଼ିଲ ହାତ
ବାଟ ମଝିଟାରେ ହାତ ଛାଡ଼ିଦେଇ
କିଲାଭ ପାଇଲ କଳା ଶ୍ରୀମୁଖ
ତୁମେ କି ବୁଝିବ ଦୁଃଖୀ ର ଦୁଃଖ ।।


ମୋ ଫଟା କପାଳେ ନିଷ୍ଠୁର ବିହି
କି ଦୋଷେ ଅବା ସେ ଦେଇଛି ଲିହି
ଆଖି ଲୁହରେ ମୋ ଛାତି ଭିଜିଯାଏ
ଅଭାବେ ହଜଇ ବୁଦ୍ଧି ବିବେକ
ତୁମେ କି ବୁଝିବ ଦୁଃଖୀ ର ଦୁଃଖ ।।

ତଥାପି ତୁମର ରଙ୍ଗା ପୟରେ
ମନ ପ୍ରାଣ ଢାଳି ସିଂହ ଦୁଆରେ
ହାତ ପାଦ ଯୋଡି ଡାକଇ ପ୍ରଫୁଲ୍ଲ
ଡାକ ଶୁଣ ବାରେ ବିଶ୍ବ ପାବକ
ତୁମେ କି ବୁଝିବ ଦୁଃଖୀ ର ଦୁଃଖ ।।






ମଙ୍ଗଳାଯୋଡି, ଖୋରଧା

1 Comments

  1. ହେମନ୍ତ କୁମାର ବରାଇJune 24, 2018 at 11:43 PM

    ଆପଣଙ୍କ ବର୍ଣ୍ଣନା ଶୈଳୀ ଚମତ୍କାର,ନମସ୍କାର

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।