ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଆସ ଲଗାଇବା ଗଛ - ରଶ୍ମି ରଞ୍ଜିତା ମିଶ୍ର

ଆସ ଲଗାଇବା ଗଛ - ରଶ୍ମି ରଞ୍ଜିତା ମିଶ୍ର

ଆସରେ ମିତ ଆସ ସଙ୍ଗାତ
ଆସ ଲଗାଇବା ଗଛ
ଆମ ସଭ୍ୟତା ଆମ ସଂସ୍କୃତି
ସୁରକ୍ଷା କରିବା ଆସ ।

ବନଭୂମି ରେ ସଭ୍ୟତା ର
ପ୍ରଥମ ସୂର୍ଯ୍ୟୋଦୟ
ସଂସ୍କୃତି ପାଇଁ ବନର ଦାନ
ଅତି ଲୋଭନୀୟ ।



ତପଶ୍ଚରଣ ର ପ୍ରଧାନ କେନ୍ଦ୍ର
ଅଟଇ ବନଭୂମି
ଶାନ୍ତ ପରିବେଶ କମନୀୟ ରୁପ
ମୁନି ମନ ମୋହିନୀ ।

ଯାନ୍ତ୍ରିକ ସଭ୍ୟତା ବିକାଶ ଦିନୁ
ହାତଶିରି ହେଲାଣି
ଅଧ୍ୟାତ୍ମିକତା ର ସଉରଭ ଆଉ
ମହକି ଉଠୁନି ।



ବରଷକେ ଥରେ ସରକାର କରନ୍ତି
ଏଇ ବନ ମହୋତ୍ସବ
ରାତି ରାତି ଗଛ କାଟୁଛୁ କାହିଁରେ
ଧ୍ବଂସ ମୁଖୀ ମାନବ ।

ବନୀକରଣ, ନବୀକରଣ
ଆସରେ କରିବା
ଅକାଳ ବୃଷ୍ଟି, ବାତ୍ୟା,ଦୁର୍ଭିକ୍ଷ
ନିୟନ୍ତ୍ରଣେ ରଖିବା ।



ବୃକ୍ଷରୁ ଜଳ , ଜଳରୁ ଶସ୍ୟ
ଶସ୍ୟ ରୁ ଜୀବନ
ସତର୍କ ବାଣୀ ଏ ସେକ୍ରେଟିସଙ୍କର
ନ ଭୁଲ ବାଇନ ।

ଜନ ଜାଗରଣ ହେଲେରେ ସାଙ୍ଗ
ହଟିବ ବିପଦ
ଅମୂଲ୍ୟ ସମ୍ପଦ ଗନ୍ତାଘର ଏଇ
ଅରଣ୍ୟ ସମ୍ପଦ ।।






ବ୍ରାହ୍ମଣ କୁଶଡିହ, ବାଲୁଗାଁ, ଖୋର୍ଦ୍ଧା

0 Comments