OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଗ୍ରୀଷ୍ମ ଛୁଇଁଗଲା ପରେ - ପବିତ୍ର କୁମାର ନାୟକ

ଗ୍ରୀଷ୍ମ ଛୁଇଁଗଲା ପରେ - ପବିତ୍ର କୁମାର ନାୟକ

ଅସହ୍ୟ ତାତିରେ ଧରା ଥର ହର
ନିଦାଘ ଛୁଇଁଛି ଧରଣୀ କୂଳ
ସୂରୁଯ ହସଇ ସକାଳରୁ ସଞ୍ଜ
ଲୁଚକାଳି ଖେଳେ ବଉଦ ମାଳ !

ଟାଇଁ ଟାଇଁ ଖରା ସିଝାଏ ଦେହକୁ
ଛାଇ ଖୋଜେ ମନ ପାଦପ ନାହିଁ
ଦୂରରୁ ଦୂରକୁ ଅଟ୍ଟାଳିକା ମାନ
ଗଗନକୁ ଦେଖ ଯାଉଛି ଛୁଇଁ !

ଝାଇଁ ଝାଇଁ ଝାଞ୍ଜି ବହେ ଅବିରତେ
ଲୁଚିଗଲା ପରେ ଯାମିନୀ ପୁଣି
ଅନଳ ପ୍ରାୟେକ ଜଳୁଛି ସମୀର
ତପ୍ତମୟୀ ଆଜି ଧରଣୀ ରାଣୀ !

ସାଇଁ ସାଇଁ ଆଉ ଦକ୍ଷିଣା ପବନ
ବହୁନାହିଁ ତା'ର ହରଷ ମନେ
ସବୁଜ ବନାନୀ ପାଇଁ ଏ ଧରଣୀ
ଦେଖୁଛି ମଣିଷ ନିତି ସପନେ !

ନଇଁ ନଇଁ ଆସେ ଗୋଧୂଳି ଆକାଶେ
ଚାଇଁ ଚାଇଁ ଦେଖ ଚପଳା ମାଳ
ଚମକି ପଡ଼ନ୍ତି ଧରାବାସୀ ମୋର
ଛାଇ ଆଲୁଅର ଚାଲିଛି ଖେଳ !




କେଲୁଆପଲ୍ଲୀ, ଗଞ୍ଜାମ

0 Comments