ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ପ୍ରେମ ଗ୍ରନ୍ଥ - ଲକ୍ଷ୍ମଣ କୁମାର ବେହେରା

ପ୍ରେମ ଗ୍ରନ୍ଥ - ଲକ୍ଷ୍ମଣ କୁମାର ବେହେରା


ଆପଣା ହୃଦୟ ଆଖିରେ ଯେ' କାଳେ
ଯାହାକୁ ବି ଦେବ ଶୀର୍ଷରେ ସ୍ଥାନ,
ନିଜର ସେ ସର୍ବେ ସର୍ବା ସବୁକିଛି
ଅନ୍ଯ ପାଇଁ ନୁହଁ କହଇ ପ୍ରେମ ।

ବିଶ୍ଵ ବ୍ରହ୍ମାଣ୍ଡରେ ଏମିତି କେ' ନାହିଁ
ଯାହାକୁ ଥରୁଟେ ଛୁଇଁନି ପ୍ରେମ,
ପ୍ରଥମ ଭଲ ପାଇବା କଥା ଭାବି
କେବେ ନିରବରେ କାନ୍ଦିନି ମର୍ମ ।


ହୃଦୟରେ ପ୍ରେମ ବାରମ୍ବାର ଆସେ
ଜୀବନେ ପହିଲି ପ୍ରେମ ଯେ' ଥରେ,
ପ୍ରଥମ ପ୍ରେମର ମିଠା ଅନୁଭବ
ହଜିଲେ ନ ମିଳଇ ଜୀବନରେ ।

ପବନ ଯେ କାଳେ ଛୁଏଁ ଚୁମେ ବୃକ୍ଷ
ସକଳ ଶରୀର ପତ୍ର ହଲଇ,
ପ୍ରେମୀର ଭାଷାରେ ସ୍ପର୍ଶ ହିଁ ତ ପ୍ରେମ
ପ୍ରକୃତି ମଧ୍ୟରେ ପ୍ରେମ ଯେ ସ୍ଥାୟୀ ।


ପ୍ରେମ ଏକ ଏଭଳି ପ୍ରତିଯୋଗୀତା
ତହିଁରେ ଯେ' ଜିତେ ସେ ସଦା ହାରେ,
ହାରିଯାଏ ଯିଏ ପାଇଯାଏ ସବୁ
ଯାହା ଚାହେଁ ଆପଣାର ଅନ୍ତରେ ।

ପ୍ରେମକୁ ବାହରୁ ଯେତେ ପରଖିଲେ
ଜାଣି ପାରିବନି ଭଲ କି ମନ୍ଦ,
ମଣିଷର ଗୁଣ ଚରିତ୍ର ଯେଭଳି
ନ ଚାଖିଲେ ବାରି ନ ହୁଏ ସ୍ବାଦ ।





କବି କୁଟୀର,
ଦଣ୍ଡାସିଂହା,ବାରକୋଟ, ଦେବଗଡ,
ମୋ-୯୬୬୮୨୪୨୭୨୦

1 Comments

  1. - ହୃଷୀକେଶ ପାଢୀ,ବୋଳକଣା, ଡେଲାଙ୍ଗ, ପୁରୀ।June 10, 2018 at 1:17 AM

    ବହୁତ ସୁନ୍ଦର ଭାବାବେଗ ର କବିତାଟିଏ ।
    ଭଲ ଲାଗିଲା ।
    ଧନ୍ୟବାଦ ।
    ଶୁଭ ଅଭିନନ୍ଦନ ।

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।