OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ବର୍ଷା - ପ୍ରଫୁଲ୍ଲ ଚନ୍ଦ୍ର ମିଶ୍ର

ବର୍ଷା - ପ୍ରଫୁଲ୍ଲ ଚନ୍ଦ୍ର ମିଶ୍ର

ବରଷା ଆସିଲେ ବିଜୁଳି ମାରଇ ଘଡଘଡି ରଡି କରି
ଭୂମଣ୍ଡଳେ ଢାଳେ ଜଳ ଅବିଶ୍ରାନ୍ତ ଆକାଶର ବୁକୁ ଚିରି ।

କଳା ମେଘମାଳା ଅରୁଣ କିରଣ ହରଣ କରେ ଅଚିରେ
ଯେପରି ରାବଣ ସୀତାଙ୍କୁ ହରଣ କରିଲା ଛଦ୍ମ ବେଶରେ ।

ବନସ୍ତେ ଶାର୍ଦ୍ଦୁଳ ହେଣ୍ଟାଳ ଯେମନ୍ତ ତେମନ୍ତ ମେଘ ଗରଜେ
ଛାତି ଦୋହଲାଇ ମନ ଚହଲାଇ ଭୟ ହୃଦୟେ ସରଜେ

ଜାଦୁଗର ଜାଦୁ ଦେଖାଏ ଯେପରି ଚକ୍ଷୁ ବନ୍ଧନ କରି
ସାତରଙ୍ଗ ଇନ୍ଦ୍ରଧନୁ ଉଦ୍ଭାସିତ ହୋଇଥାଏ ସେହିପରି ।

କ୍ଷଣେ କ୍ଷଣେ କ୍ଷଣପ୍ରଭା ଚମକଇ ଘନ ଅନ୍ଧାର ଚିରି
ଦିଗେ ବିଦିଗେ ସେ ସଞ୍ଚରି ଯାଉଛି ପଲକେ ପୁଲକ ଭରି ।

କିଆ ଗୋହିରୀ ରୁ ଡ଼ାକଇ ଡାହୁକ ନଈତୁଠ ତଟୁ ଭେକ
ଶୋଷ ମେଣ୍ଟାଇବା ପାଇଁ ଆକାଶରେ ଚକର କାଟେ ଚାତକ ।

ଛତୁ ଛତାଟେକି ବେଙ୍ଗ ବାହାଘର ପାଟପୋକ ଧୀରଚାଲି
ନୀଳ ଗାଲିଚାରେ ହରରଙ୍ଗି ଫୁଲ ଧବଳ , ନେଳିଆ ନାଲି ।

ବରଷା ଆସିଲେ ମନୋରମ ରୂପ ରୂପେ ରୁପା଼ୟୀତ ହୋଇ
ଅହିଭୁଜ ନାଚେ ବନ ର ଝରଣା ଝରେ କୁଳୁ କୁଳୁ ଗାଇ ।

ତଡାଗ, ତଟିନୀ ନଦୀ,ନାଳ ଜଳେ ନିର୍ଧନୀ ପାଇଲା ଧନ
ସମାନ ଉତ୍ଫୁଲ୍ଲେ ନିଦାଘ ର ଅନ୍ତେ ପାଇ ବର୍ଷା ଜଳଦାନ ।

ଏହି ବର୍ଷା କାଳ ଦେଖି ଚାଷୀ କୁଳ ଆନନ୍ଦରେ ଆତ୍ମହରା
ବରଷା ଭରସା ଋତୁ ମଧ୍ୟେ ଶ୍ରେଷ୍ଠ ବିଭୁ ଆଶିଷ ରେ ଭରା ।




ମଙ୍ଗଳାଯୋଡି, ଖୋର୍ଦ୍ଧା

3 Comments

  1. ହେମନ୍ତ କୁମାର ବରାଇJune 10, 2018 at 3:31 PM

    କବିତାଟି ବହୁତ ମନଛୁଆଁ ହୋଇଛି,ନମସ୍କାର

    ReplyDelete
  2. Prafulla Chandra MishraJune 10, 2018 at 4:02 PM

    ବହୁତ ବହୁତ ଧନ୍ୟବାଦ ଆପଣକୁ

    ReplyDelete
  3. Prafulla Chandra MishraJune 10, 2018 at 4:03 PM

    ବହୁତ ବହୁତ ଧନ୍ୟବାଦ ଆପଣଙ୍କୁ

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।