ମୁଁ ମରିଗଲା ପରେ - ସଲିଳ କୁମାର ସ୍ଵାଇଁ

ମୁଁ ମରିଗଲା ପରେ - ସଲିଳ କୁମାର ସ୍ଵାଇଁ

ମୁଁ ମରିଗଲେ
ତମେ ଆସିବ
ସମ୍ପର୍କୀୟଙ୍କୁ ସଙ୍ଖାଳିବା ପାଇଁ
ତମେ ଆସିଲ କି ନାହିଁ
ମୋ ପାଇଁ ଅଜଣା ରହିବ
ତେବେ ଏବେ ଆସୁନ
ମତେ ଟିକେ ଦେଖିଯିବା ପାଇଁ ॥

ମୁଁ ମରିଗଲେ
ତମେ ମତେ କ୍ଷମା ଦେବ
କରିବନି ମୋ ପାପର ହିସାବ
ତମର ଏ ମହାନତା
ମୋ ପାଇଁ ଅଜଣା ରହିବ
ତେବେ ଏବେ ଆସୁନ
ସବୁ ଦୋଷ କ୍ଷମା କରିଦେବ ॥



ମୁଁ ମରିଗଲେ
ତମେ ମତେ କରିବ ପ୍ରଶଂସା
ବଖାଣିବ ମୋର ଭଲଗୁଣ
ତମ ପ୍ରୀତି, ପ୍ରତିକ୍ରିୟା
ମୋ ପାଇଁ ଅଶୁଣା ରହିବ
ତେବେ ଏବେ କହୁନ
ଶୁଣେ ତମ ପ୍ରଶଂସାର ବାକ୍ୟ ॥

ମୁଁ ମରିଗଲେ
ତମେ ଭାବିହେବ, ନିଜକୁ କୋଡିବ
ମୋ’ ସହ କାଟିଥାନ୍ତ ଅଧିକ ସମୟ
ତମ ପଶ୍ଚାତାପ, ଅନୁତାପ
ମୋ ପାଇଁ ଅଜଣା ରହିବ
ତେବେ ଏବେ ଆସୁନ
ବାଣ୍ଟିନେବା ପରସ୍ପର ଦୁଃଖ ॥






ସଲିଳ କୁମାର ସ୍ଵାଇଁ,
ମଙ୍ଗଳାଯୋଡି, ଖୋରଧା

0 Comments