ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ବଞ୍ଚିତ - ପ୍ରଶାନ୍ତ କୁମାର ସାହୁ

ବଞ୍ଚିତ - ପ୍ରଶାନ୍ତ କୁମାର ସାହୁ

ପାହାଡର ମଥା ଛୁଇଁ ସୂରୁଜଟା ଦେଲେ ଚାହିଁ
ଦେଖେ ନାହିଁ ଭରା ଆଖି କେତକୀ ଗୋହିରେ ,
ଖିଲିଖିଲି ହସ ପୁଣି ବଉଳ ବେଣୀର ଗୀତ
ଶୁଣେ ନାହିଁ କାନପାରି ନିସ୍ତବ୍ଧ ଛାତିରେ ,
ସଞ୍ଜୁଆ ପ୍ରହର ଖଟି ଏକାନ୍ତରେ ଯାଏ ବିତି
ଚିତ୍ରଟିଏ ଆଙ୍କେ ମନ ଆକାଶରେ ନିତି ,
ବିନିଦ୍ର ରଜନୀ କଟେ କାମିନୀର ମୂଳେ
ମହମହ ବାସୁଥାଏ ବିଚ୍ଛେଦରେ ଭାଳେ ,
ଦେଖେ ନାହିଁ ଚାନ୍ଦ ମୁହଁ ନିଜେ ତ ବଉଦ
କାଳେ ଦୁଃଖେ ଝରିଯିବ ହୋଇ ସେ ବାରିଦ,
ମନ ତାଣ୍ଡବରେ ଝୁଲେ କାୟିକ ବେଦନା
ଭୁଲିବାର ଭୁଲାଣଟା କରେ ଚୂନାଚୂନା,
ଅନ୍ତରିତ ଭାବ ଯେବେ କରେ ପରାହତ
ଜୀଇଁ କରି ମରିବାଟା ହୋଇଯାଏ ସତ ।




ପ୍ରଶାନ୍ତ କୁମାର ସାହୁ,
ଛତ୍ରଗଡ଼, ଖୋର୍ଦ୍ଧା

0 Comments