Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଜୀବନ ଦର୍ଶନ - ପବିତ୍ର କୁମାର ନାୟକ

ଲିଭି ଲିଭି ଯାଏ ଜୀବନ ସଳିତା
ସରୁଛି ଆୟୁଷ ତୋର
କାହାଲାଗି ଧନ ବାନ୍ଧିଛୁ ବଟୁଆ
ଆସି ଗଲାଣି ସେ ବେଳ !!

ମିଛ ମାୟା ଏଇ ସଂସାରଟା ଦିନେ
ଦେଇଯିବ ବାବୁ ଧୋକା
ସକାଳ ସୂରୁଜ ସଞ୍ଜ ଆକାଶରେ
ମଉଳି ଯିବରେ ଏକା !!

ଛଟ ପଟ ହେଉ ସୀମିତ ଜୀବନେ
କେହି ନୁହେଁ ଏଠି ତୋର
ପୀରତି ଜାଲରେ ଛନ୍ଦିହୋଇ ଧନ
କହୁଅଛୁ ମୋର ମୋର !!

ହୃଦୟର ଯେଉଁ ସିନ୍ଦୁକ ଭିତରେ
ସାଇତି ଅଛୁରେ ସ୍ମୃତି
ଆଖି ବୁଜିଦେଲେ ଘୋର ଅନ୍ଧାରରେ
ପାଲଟିଵ ସବୁ ସ୍ମୃତି !!

ଯାହାକୁ ଧନରେ ଗେହ୍ଲ ବସରରେ
ପାଳିଥିଲୁ ଛାୟା ତଳେ
ବୃଦ୍ଧାଶ୍ରମେ ତୋତେ ଛାଡିବରେ ଧନ
ନଦେଖିବ ଆଉ ଭଲେ !!

ଜରାଜୀର୍ଣ୍ଣ ତୋର ଶରୀରକୁ ଦେଖି
କହିବେରେ କେତେ କଥା
ଆଖି ଯେତେ ତୋର ଛଳ ଛଳ ହେଲେ
ବୁଝିବେନି କେହି ବ୍ୟଥା !!

ଦଣ୍ଡେ ନଦେଖିଲେ ପାଗଳ ପରିକା
ଖୋଜୁଥିଲୁ ଯାହା ମୁହଁ
ଜରା ନିବାସରେ କହିବରେ ତୋତେ
କୋଉ କୂଳକୁତୁ ନୁହଁ !!

ବଞ୍ଚି ଥାଉ ଥାଉ ମାରିଦେବେ ତୋତେ
ଶରୀର ତୋପାଇଁ ବୋଝ
ମରିବା ଆଗରୁ ନିତି ମରୁଥିବୁ
ନଲାଗିବ ଟିକେ ଲାଜ !!




ପବିତ୍ର କୁମାର ନାୟକ,
କେଲୁଆପଲ୍ଲୀ, ଗଞ୍ଜାମ

Post a Comment

0 Comments