Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ମୌନତାର ଆଭରଣ - ରାଜେଶ କୁମାର ମୁଣ୍ଡ

ଦେଖିଛ କି ...
ଏଭଳି ଏକ ଆକାଶ, ଯୋଉଠି
ଅନେକ ଆଶାର ଆଲୋକ
ଆଉଟୁ ପାଉଟୁ ହେଉଥିବେ ଅଂଧାରରେ,
ଏଭଳି ଏକ ବିଶ୍ୱାସ
ଯୋଉଠି ଗୁଞ୍ଜରଣ ହେଉଥିବ
ଆଖି ବନ୍ଦ ଭଲ ପାଇବା,
ଏଭଳି ଏକ ସମୁଦ୍ର
ଯୋଉଠି
ଅସଂଖ୍ୟ ଜୁଆର ଥିଲେ ବି
ଥିବ ମୌନତାର ଆଭରଣ ।

ଫୁଲଟେ ସିନା
ଫୁଟିବା ଆଗରୁ ମହକେନି,
ହେଲେ ଜୀବନଟେ
ଜିଇଁବା ଆଗରୁ ଜିଇଁଉଠେ
ଅସଂଖ୍ୟ କାମନା ।

ମୁଁ କିନ୍ତୁ ଦେଖିଛି
ଅସଂଖ୍ୟ ସୁନା ମାଛ ଖେଳୁଥିବା
ସେଇ ଶୁଷ୍କ ହ୍ରଦକୁ,
ଯା' କିନାରାରେ
ମହକୁଥାଏ ମହୁଲ ଫୁଲର
ମଦମତ୍ତ ବାସନା, ଆଉ
ତୁମ ଅଶ୍ରୁଳ ଆଖିରେ ..
ରୂପାୟିତ ଛବିଳ ସ୍ବପ୍ନ ।




ଧର୍ମଗଡ଼, କଳାହାଣ୍ଡି

Post a Comment

0 Comments