OUR READERS STATUS AROUND THE GLOBE : INDIA-362119 CANADA-354 CHINA-881 FRANCE-1727 GERMANY- 2083 QATAR - 61 SINGAPORE - 1114 UNITED STATES - 14819 UNITED KINGDOM - 553 UNITED ARAB EMIRATES - 926 UKRAINE-47 UNKNOWN REGIONS-5627

ଅନୁରାଗୀ - ପବିତ୍ର କୁମାର ନାୟକ

ଅନୁରାଗୀ - ପବିତ୍ର କୁମାର ନାୟକ

ବୈଶାଖର ଝାଞ୍ଜି ତମେ ଅନୁରାଗୀ
ଚଇତି ବୁକୁରେ ଶରତ ଛୁଆଁ
ଜ୍ୟେଷ୍ଠର ନିଦାଘେ ଶୀତଳ ସମୀର
ଛୁଇଁଗଲେ ଦେହେ ଲାଗଇ ନିଆଁ !

ବିନା ଶ୍ରାବଣରେ ଅବିରତେ ଝରେ
ଅମାନିଆ ହୋଇ ଆଖିର ଲୁହ
ସହି ସାରିଲିଣି ହଜାରେ ବସନ୍ତ
ତଥାପି ତୁଟିନି ଫଗୁଣ ମୋହ !

ସପନରେ ହଜି ଖୋଜୁଛି ତୁମକୁ
ଅବସାନ ନାହିଁ ଅପେକ୍ଷା ମୋର
ଅବୁଝା ଏ ମନ ଭାବନାରେ ବୁଡି
ଖୋଜୁଛି ଗୋ ପ୍ରିୟା ଠିକଣା ତୋର !

ନିର୍ଜନ ପଥକୁ ଆପଣେଇ ତମେ
ମୋଠାରୁ ଦୂରେଇ କେମିତି ରୁହ
ନିତି ମୁଁ ଜଳୁଛି ବିରହ ନିଆଁରେ
ଅର୍ଦ୍ଧଦଗ୍ଧ ହିଆ ଛାଡୁନି ମୋହ !




ପବିତ୍ର କୁମାର ନାୟକ, କେଲୁଆପଲ୍ଲୀ, ଗଞ୍ଜାମ

0 Comments