ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଫୁଲପରି ଲାଗ ତାଜା - ଜିତେନ୍ଦ୍ର ସାହୁ

ଫୁଲପରି ଲାଗ ତାଜା - ଜିତେନ୍ଦ୍ର ସାହୁ

ସଜେଇ ଦେଲେ ଗୋ ସଜନୀ ତମକୁ
ଫୁଲ ପରି ଲାଗ ତାଜା,
ଛୁଇଁଲେ ଥରେ ଗୋ ଚାନ୍ଦିନୀ ତମକୁ
ଚାନ୍ଦକୁ ପଡେନା ଖୋଜା,,।।
ଫୁଲପରି ତମେ ଭାରି ସୁକୁମାରୀ
ଭରିଛି ଯୌବନ ବାସ୍ନା,
ଅଧର ପାଖୁଡା କୋମଳ କଳିକା
ଦେଖିଲେ ବଢଇ ତୃଷ୍ଣା,,
ଫୁଲ ରାଣୀ ତମେ ଫୁଲେଇ ମୋ ପ୍ରିୟା
ମୁଁ ତମ ଭଅଁର ରାଜା,
ସଜେଇ ଦେଲେ ଗୋ ସଜନୀ ତମକୁ
ଫୁଲ ପରି ଲାଗ ତାଜା,,।।
ଚାନ୍ଦର ଟୁକୁଡା ତମର ମୁୁଖୁଡା
ସବୁ ରୂପସୀ ଠୁ ଚିହ୍ନା,
କାମାସକ୍ତ ଠାଣି ପ୍ରେମ ବୀଜ ବୁଣି
ଝରାଏ ଶୀତଳ ଜ୍ୟୋସ୍ନା,,
ଚନ୍ଦ୍ରମୁଖୀ ତମ ପ୍ରେମରେ ମୁଁ ଭିଜି
ଲାଗୁଅଛି ଭାରି ମଜା,
ଛୁଇଁଲେ ଥରେ ଗୋ ଚାନ୍ଦିନୀ ତମକୁ
ଚାନ୍ଦକୁ ପଡେନା ଖୋଜା,,।।




ଏମ୍.ତେନ୍ତୁଳିଆ, ପୋଲସରା,ଗଞ୍ଜାମ

0 Comments