କୃଷ୍ଣଚୂଡ଼ା - ସାଗର ପ୍ରଧାନ

କୃଷ୍ଣଚୂଡ଼ା - ସାଗର ପ୍ରଧାନ

କୃଷ୍ଣଚୂଡ଼ା କେଡେ ଆନମନା ହୋଇ
ରହିଛି ଆକାଶେ ଚାହିଁ
ଅମାନିଆ ତାର ପ୍ରେମିକ ଭ୍ରମର
ଦେବ ଆସି ଓଠେ ଛୁଇଁ ।

ବାସ ହୀନ ତନୁ ଅଙ୍ଗରେ ଲାଗିବ
ପ୍ରେମ ପିରତିର ବାସ
ଦୁଃଖଦ ଜୀବନେ ଉନ୍ମାଦ ଭରିବ
ଜୀବନ ହେବ ସରସ ।

ଅନେକ ଦିନର ପ୍ରତୀକ୍ଷା ର ବୋଧେ
ହୋଇଯିବ ଆଜି ଅନ୍ତ
ନିଜର ରଙ୍ଗ କୁ ଦେବ ପ୍ରତିଦାନ
ଫେରି ଆସିବ ବସନ୍ତ ।

ମିଳନ ରେ ଯେଉଁ ଆନନ୍ଦ ରହିଛି
ଅନ୍ୟ କେଉଁଠାରେ ନାହିଁ
ସେଥି ପାଇଁ ମନ ଝୁରଇ ସା ଥି କୁ
ପରସ ପାଇବା ପାଇଁ ।




ସାଗର ପ୍ରଧାନ, ଗଂଜାମ

1 Comments

  1. ନିରଞ୍ଜନ ପଣ୍ଡାMay 21, 2018 at 5:30 AM

    ସୁନ୍ଦର

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।