Information

କୁହ ଭାଇ କାହା ପାଇଁ - ପ୍ରସନଜିତ ସାହୁ

ନିସ୍ତେଜ ଆଜି ମୋ ଗାଆଁର ଚେହେରା
ଶୁନ୍ ଶାନ୍ ଲାଗେ କାହିଁ
ଜାଣିଶୁଣି ତୁମେ ଗାଆଁକୁ ଭୁଲୁଛ
କୁହ ଭାଇ କାହା ପାଇଁ ? ? ?

ଗାଧୁଆ ତୁଠଟା ଶୁଖିଲା ପଡିଛି
ଫୁଟୁନି ପଦୁଅଁ କଇଁ
କାହିଁ ଦିଶୁନାହିଁ ଭୁଆସୁଣୀ ଲାଜ
କୁହ ଭାଇ କାହା ପାଇଁ ? ? ?

ଭାଗବତ ପିଣ୍ଡା ଫାଙ୍କା ଫାଙ୍କା ଆଜି
ଗାଉଁଲି ପରବ ନାହିଁ
ଭାଇ ବନ୍ଧୁ ଭାବ ମରି ମରି ଯାଏ
କୁହ ଭାଇ କାହା ପାଇଁ ? ? ?

ଗାଆଁରେ ଯାତରା ଗାଆଁ ପରମ୍ପରା
କବାଡ଼ି ଶବଦ ନାହିଁ
ଗାଆଁ ପୁଅ ଆଜି ସହର ଧାଉଁଛି
କୁହ ଭାଇ କାହା ପାଇଁ ? ? ?




ପ୍ରସନଜିତ ସାହୁ
ନାଉଗାଁ ହାଟ, ଜଗତସିଂହପୁର

Post a Comment