OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ପାହାଡି କନ୍ୟା - ଗୈାରାଙ୍ଗ ଚରଣ ବେଉରା

ପାହାଡି କନ୍ୟା - ଗୈାରାଙ୍ଗ ଚରଣ ବେଉରା

ଶଇଳ ନିଭୃତ ଗହ୍ୱରୁ ତୁହି ଜନମ ନେଇ,
ଉପଳ ତଳପ ବରଜି ପାଦ ଛୁଁଇଲୁ ମହୀ..॥
ନିଷ୍ଠୁର ହୃଦୟ ଚିରି ତୁ ଅତି ଆବେଗ ଭରେ,
ପଦ ଧୈାତ କରି ମହୀର ମିଳି ବିରାଟ ନୀରେ..॥
ବନ୍ଧୁର ଶିଳାରେ ନାଚି ତୁ ଶୋଭା ମେଲାଇ ଦେଇ,
ଲୁଚିଲୁଚି ପାଦ ଧୋଇଲୁ କେତେ ବନାନୀ ଭୂଇଁ...॥
କେତେ ଜୀବେ ଦୟା ଦେଖାଇ ଦେଇ ନିର୍ମଳ ଜଳ,
ଶୋଭାର ଆସର ତୋଳିଲୁ ଗଢି ଗ୍ରାମ ବହୁଳ..॥
କଳକଳ ନାଦେ ବହିଲୁ ଦେଇ ଆତ୍ମ ତୃପତି,
ଯୋଗୀ ୠଷିଗଣ ମୋହିଲେ ଦେଖି ତୋର ମୂରତି..॥
ନିର୍ଝରିଣୀ ନାମ ବହିଲୁ ଦେଇ ଦିବ୍ୟ ନିର୍ଝର,
କୂଳରେ ଗଢିଲୁ ମନ୍ଦିର ଯେହ୍ନେ ସରଗ ପୁର...॥
ଲମ୍ଫଦେଇ ଶୀର୍ଷ ଶଇଳୁ ପଡି ଚଟାଣ ପରେ,
ଶୋଭାର ବୈକୁଣ୍ଠ ରଚିଲୁ କେତେ ଶୋଭା ଅଂକରେ..॥
ଅଂକାବଂକା ପଥେ ବହିଲୁ ବହି ସର୍ପିଳ ଶୋଭା,
ତରଂଗ ମାଳାରେ ମୋହିଲୁ ହୋଇ ତୁ ମନଲୋଭା..॥
ଭାବନା ରାଜ୍ୟରେ କବିର ତୁହି କଳ୍ପନା ରଥ,
ଉପମା ରାଜ୍ୟରେ ସାଜିଲୁ ତୁହି ଅମୂଲ୍ୟ ଗ୍ରନ୍ଥ..॥
ତୋ ଶୋଭା କୁଂଜରେ ଭାସିଲେ ମନ ପବିତ୍ର ହୁଏ,
ଲେଖନୀ ମୂନରେ ଆଂକିଲେ ତୋର ଶୋଭା ନ ସରେ..॥
ପୁନେଇ ରାତିର ନିଳୟେ ତୁହି ସୁନ୍ଦରୀ କନ୍ୟା,
ପରିବେଶ ପ୍ରତି ଛବିରେ ତୁହି ଉପମା ବନ୍ୟା...॥
ଉପମା ରାଜ୍ୟରେ ଭସାଇ ତୋର ଉପମା ଯାଦୁ,
ଆନନ୍ଦେ ପିଆଉ ସଭିଂକୁ ତୋର ଅମୃତ ମଧୁ..॥




ଗୈାରାଙ୍ଗ ଚରଣ ବେଉରା, ଶିକ୍ଷକ
କୁଲିଆମାଲ ଉଚ୍ଚ ବିଦ୍ୟାଳୟ, କୁଲିଆମାଲ

0 Comments