Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ବିଳାପ ଧରଣୀର - ପବିତ୍ର କୁମାର ନାୟକ

ଆଉ ନାହିଁ ସେହି ଜହ୍ନଭରା ରାତି
ଚାନ୍ଦିନୀ ଢ଼ାଳୁନି ନିଶି ଅଧରେ,
କୋଇଲିର ସେହି ମିଠା ମିଠା ତାନ
ଶୁଭୁନାହିଁ ପାଶ ଆମ୍ର କୁଞ୍ଜରେ !

ଦିନମଣି କରେ ଅଗ୍ନିର ବରଷା
ବହୁନାହିଁ ଆଉ ଶୀତଳ ବାଆ,
ଲାଗୁଛି ଯେମିତି ସକାଳରୁ ସଞ୍ଜ
ଧରଣୀ ଦେହରେ ଲାଗିଛି ନିଆଁ !

ଛୋଟ ଆଶା ନେଇ ଭସା ବଉଦଟା
ସିଞ୍ଚିଦେଇ ଗଲା ମୁନ୍ଦାଏ ବାରି
କହିଲା ସବୁ ତ ଲୁଟି ନେଇଗଲ
କେମିତି ଢାଳିବି ଶୀତଳ ବାରି !

ଶୀତଳ ସମୀର ହୋଇଣ ଅଧୀର
କହୁଛି ସାଜିଲି ତତଲା ମୁହିଁ
କେଉଁଠି ପାଇବି ପାରୁନାହିଁ ଜାଣି
କହିଦିଅ ଥରେ ମୋତେ ବୁଝେଇ !

ଠିକଣା ହଜିଛି ସବୁ ତ ସରିଛି
ଯାଯାବର ପ୍ରାୟ ଜୀବନ ମୋର
ମିଛ ମରୀଚିକା ସପନ ରାଇଜେ
ସବୁ ଜାଣି ଆଜି ମୁଁ ନିରୁତ୍ତର !




ପବିତ୍ର କୁମାର ନାୟକ,
କେଲୁଆପଲ୍ଲୀ, ଗଞ୍ଜାମ

Post a Comment

0 Comments