OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

କଥା - ସାଗର ପ୍ରଧାନ

କଥା - ସାଗର ପ୍ରଧାନ

କଥାରେ ଅଛି କଷଣ ପିତା
କଥାରେ ଅଛି ମହୁ
କଥା କଷଣ ମନକୁ ବାଧେ
ଆଖିରୁ ଝରେ ଲହୁ ।

କଥାର ବଳେ ମିତ୍ର ଭିଆଣ
କଥା ଅରଜେ ଅରି
କଥା ଖସିଲେ ମୁଖରୁ ଥରେ
ଆସେନା କେବେ ଫେରି ।



କଥା ଥରୁଟେ ମୁଖୁ ଖସିଲେ
ହାରିବୁ ଯଶ ମାନ
ନିଜ ଲୋକବି ଦୁରେଇ ଯିବେ
ଘୃଣା କରିବେ ଜନ ।

କହି ଜାଣିଲେ କଥା ସୁନ୍ଦର
କହି ମଧୁର କଥା
ବିଧୁର ମନେ ମଲମ ସମ
ହରିବୁ ଅନ୍ୟର ବ୍ୟଥା ।



କଥାରେ ଅଛି ସରଗ ସୁଖ
କଥାରେ ଅଛି ସବୁ
କଥା ଛଳରେ ହିଂସ୍ର ପଶୁକୁ
କରି ପାରିବୁ କାବୁ ।

ଯାହା କଣ୍ଠ ରୁ ମଧୁର ବାଣୀ
ଉତ୍ତମ ବ୍ୟବହାର
ସେହି ଜନଟି ଜନ୍ମାଇ ପାରେ
ଶତ୍ରୁ ମନରେ ଘର ।



ତେଣୁ ସର୍ବଦା ମନେ ରଖି ବୁ
କହ ମଧୁର ବାଣୀ
ଈ ହ ଜଗତୁ ଗଲା ପରେବି
ଜନତା ହେବେ ଗୁଣି ।




ସାଗର ପ୍ରଧାନ, ଗଂଜାମ

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।