"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଭାଷା ଓ ଜୀବନ - ପ୍ରଶାନ୍ତ କୁମାର ସାହୁ

ଭାଷା ଓ ଜୀବନ - ପ୍ରଶାନ୍ତ କୁମାର ସାହୁ

ସପନ ତୁ ରହିଯା'ରେ ଆଶାର ଦୁଆରେ
ଭାରି ଭାରି ଆଖି ମୋର ସେନେହ ମନ୍ଦିରେ,
ପାରିଛି ପଣତ ମାଆ ମମତା ଦାଣ୍ଡରେ
ଯିଏ ଯେତେ ନେଇ ଯାଉ ମନଭରି ଥରେ ।

ଚୁନିଚୁନି ଶବଦରେ ମାଖି ଦିଅ ହୃଦ
କଳରବେ ନାଚିଯିବ ତୁମ ଚଉହଦ,
ପଞ୍ଚାଙ୍ଗରେ ଦିବ୍ୟଭାବ କରି ଆଲେପନ
ମାତୃଭାଷା ରସେ ଦେଖ ଝୁଲଇ ଭୂବନ ।



ଭୂଚକ୍ରରେ ଯହିଁ ଶୁଣ ମାତୃଭାଷା ସ୍ବର
ଘନଘନ ମନରେଖା ଗାଇବ ସତ୍ତ୍ବର,
ଦେବନା ବିହିନ ହୃଦ ଖୋଜେ ବିଶ୍ବାସକୁ
ଭୂମାନନ୍ଦ ଖେଳେ ଯହିଁ ଆଚରି ମାତାକୁ ।

ଆସ ଆସ ମାତା ପାଶେ ଯିବା ସର୍ବେ ଧାଇଁ
ନ ଦେଖି ବିଚାରୀ କାଳେ କାନ୍ଦୁଥିବ ଚାହିଁ,
ଦେଖି ଉଠାଇବ ହାତ ଓଠେ ଥିବ ହସ
ଗୁଲୁଗୁଲୁ କଥା କହି ପ୍ରକାଶିବ ରୋଷ ।



ମହାନନ୍ଦ ସେଇ ସ୍ବରେ ଧରାରେ ଅପୂର୍ବ
ତ୍ରିଦେବ ସେ ଚରାଚରେ ଭୁଲେ କେଉଁ ଜୀବ ,
ତା' ମହିମା ତୁଣ୍ଡେ ଥାଉ ଅମର ସେ କୀର୍ତ୍ତି
ମାତୃଭାଷା ବିନା କିବା ମିଳଇ ମୁକତି ।




ପ୍ରଶାନ୍ତ କୁମାର ସାହୁ, ଛତ୍ରଗଡ, ଖୋର୍ଦ୍ଧା

1 Comments

  1. ସନ୍ତୋଷ ପଟ୍ଟନାୟକApril 2, 2018 at 3:43 PM

    ବହୁତ୍ ସୁନ୍ଦର ହେଇଛି

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।