Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ଗଢିବା ସବୁଜ ବନ - ପ୍ରଶାନ୍ତ କୁମାର ନାଥ

ଦିନେ ସଞ୍ଜ ବେଳେ ଅଜା ନାତି ଦୁହେଁ
ଶୋଇଥିଲେ ବାରଣ୍ଡାରେ
କଥୋପକଥନ ସେମାନଙ୍କ ଥିଲା
ପ୍ରଶ୍ନ ଆଉ ଉତ୍ତରରେ ।
ପଚାରିଲା ନାତି କୁହ ତୁମେ ଆଜା
କାହିଁ ସେହି ପାଣି ପାଗ
ବରଷା ଓ ଖରା ସମୟରେ କାହିଁ
ହେଉଥିଲା ଯାହା ଆଗ ।
କେବେ ଧୋଇ ଏବେ କେବେତ ମରୁଡି
କେବେ ହୁଏ ଅଂଶୁଘାତ
ଚାଷୀ ଭାଇ ଯେତେ ହତାଶ ହୁଅନ୍ତି
ଆସେ ନାନା ପ୍ରତିଘାତ ।
ପୃଥିବୀ ତାତୁଛି ଭୂଇଁ ଯେ ଫାଟୁଛି
ଅଦିନେ ଆସୁଛି ଝଡ
କହିବକି ମୋତେ ବୁଝାଇ ଟିକିଏ
ଥିଲେ କିଛି ପ୍ରତିକାର ।
ଅଜା ତା'ର ତାକୁ ବୁଝାଇ କହିଲେ
ଶୁଣିବୁ ତୁ ମନ ଦେଇ
ସବୁକିଛି ପରା ଘଟୁଛି ଏମିତି
ମଣିଷ ମାନଙ୍କ ପାଇଁ ।
କି ସୁନ୍ଦର ଥିଲା ସବୁଜ ବନାନୀ
ବୃକ୍ଷ ଓ ଲତାରେ ଭରା
ତାହାରି ପ୍ରଭାବେ ହେଉଥିଲା ପରା
ସମୟେ ବରଷା ଖରା ।
ଦିନୁ ଦିନ ଗଛ କଟିଦେଇ ସବୁ
ନିର୍ମାଣିଲେ ବଡ଼ କୋଠା
ଯାତାୟାତ ପାଇଁ ଗଢିଲେ ପୁଣି ସେ
କଂକ୍ରିଟ ସଡ଼କ ମୋଟା ।
ଗାଡି ଓ ମଟର କିଣିଲେ ଅନେକ
ଶବ୍ଦ ପ୍ରଦୂଷଣ ହେଲା
କଳ କାରଖାନାରୁ ନିର୍ଗତ ଧୂଆଁ ବି
ବାୟୁ ପ୍ରଦୂଷିତ କଲା ।
ପରିବେଶ ପୁରା ଦୂଷିତ ହୋଇଲା
କେମିତି ବରଷା ହେବ
ସବୁ ପରା ସମୟେ ହୋଇବ,ଯଦି
ସବୁଜ ବନାନୀ ଥିବ ।




ପ୍ରଶାନ୍ତ କୁମାର ନାଥ
ସୁନ୍ଦରପୁର, ଉତ୍ତରକୂଳହାଟ୍, ପ୍ରୀତିପୁର, ଯାଜପୁର

Post a Comment

0 Comments