ମୁନାର ସପନ ଦେଖା - ପ୍ରୀତିପ୍ରିୟା ମହାନ୍ତି

ମୁନାର ସପନ ଦେଖା - ପ୍ରୀତିପ୍ରିୟା ମହାନ୍ତି

ଦେଖିଲା ମୁନା ସପନେ ଦିନେ
ଆସିଛି ଏକ ପରି,
ଝିକମିକ୍ ତା' ପୋଷାକେ ଲଗା
ଚିକିମିକିଆ ଜରି ।

ଆତୁର ହୋଇ କହିଲା ମୁନା
ପରି କାନରେ ଥିରି,
ଆମ ରାଇଜ ବୁଲାଇ ଦେବି
ନିଅ ମତେ ମିତ କରି ।

ଖୁସିରେ ମୁନା ମାରିଲା ଡିଆଁ
ପରିକୁ ପାଖେ ପାଇ,
କହିଲା ମୁନା ଯିବନି ଛାଡ଼ି
ଏକାକୀ କରି ଦେଇ ।

ଖେଳିଲେ ଦୁହେଁ ଖୁସି ମନରେ
ହାତ କୁ ହାତ ଛନ୍ଦି,
ନାଚିନାଚିକା,ଗାଇଗାଇକା
କରିଲେ କୁଦାକୁଦି ।

ହଠାତ ମା' ଡା଼କିଲେ ମୁନା
ଉଠ ସକାଳ ହେଲା,
ନିଦରୁ ଉଠି ଦେଖିଲା ସିଏ
ପାଖେ ପରି ନ ଥିଲା ।

ଭାବିଲା ହସି ମନେ ମନ ସେ
ସପନ ସବୁ ଥିଲା,
ନିଜ ମନକୁ ବୁଝାଇ ଦେଇ
ପରି କୁ ଭୁଲି ଗଲା ।




ପ୍ରୀତିପ୍ରିୟା ମହାନ୍ତି, ରମ୍ଭା, ଗଂଜାମ

2 Comments

  1. Timir Ranjan PandaMay 6, 2018 at 1:25 PM

    ଖୁବ୍ ସୁନ୍ଦର ଉପସ୍ଥାପନା

    ReplyDelete
  2. prasanta Kumar mangarajAugust 30, 2018 at 2:24 AM

    ସୁନ୍ଦର

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।