"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଲୁହ - ପବିତ୍ର କୁମାର ନାୟକ

ଲୁହ - ପବିତ୍ର କୁମାର ନାୟକ

ହୃଦୟ ସାଗରେ ବିରହର ଢେଉ
ବହି ଆସେ ଅସୁମାରି
ମନ ବେଦନାରେ କୋହ ଧୀରେ ଧୀରେ
ଝରାଏ ଅଶ୍ରୁର ବାରି !!

ଅମାନିଆ ଆଖି ମାନେ ନାହିଁ କିଛି
ଲୁହର ଅକୁହା ଭାଷା
ଝର ଝର ହୋଇ ଝରିଗଲା ପରେ
ତୃପ୍ତ ହୁଏ ମନ ତୃଷା !!



ଝରିଯାଏ ଯେବେ ଆପଣାର କେହି
ଚାଲି ଯାଏ ବହୁ ଦୂର
କିଅବା ନିଜର ଅକାରଣେ ସାଥୀ
ହୋଇ ଯାଏ ଯେବେ ପର !!

ବହିଯାଏ ଯେବେ ଅମାନିଆ ହୋଇ
ଶୁଣେନା କାହାରି କଥା
ଛାତି ତଳ କୋହ ଆନମନା ହୋଇ
ଭାଙ୍ଗିଦିଏ ନିରବତା !!



ଏକା ଏକା ଯେବେ ଲାଗେ ଏ ଦୁନିଆ
ଛଳ ଛଳ ହୁଏ ଆଖି
ନିଃସଙ୍ଗତ ବେଳେ କେହି ନୁହେଁ ତା'ର
ଲୁହ ଏକା ତା'ର ସାଥୀ !!




ପବିତ୍ର କୁମାର ନାୟକ,
କେଲୁଆପଲ୍ଲୀ, ଗଞ୍ଜାମ

0 Comments