ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ସମ୍ପର୍କ - ପବିତ୍ର କୁମାର ନାୟକ

ସମ୍ପର୍କ - ପବିତ୍ର କୁମାର ନାୟକ

ତମେ ଗୋଧୂଳି ସଞ୍ଜ ଦୂର ଦିଗବଳୟ
ମୁଁ କୁହୁଡ଼ି ତଳର ଶଶୀ
ପ୍ରୀତି ପାରାବାରେ ଉର୍ମି ତମେ ପ୍ରିୟା
ମୁଁ ଶୀତ ଶିହରଣ ନିଶି !

ତମେ ପୂନେଇଁ ଚାନ୍ଦର ଜୋଛନା ମୁରୁଜ
ମୁଁ ଅମା ଅନ୍ଧାରୁଆ ରାତି
ତମେ ମୃଦୁ ମଳୟର ସୁଲୁ ସୁଲୁ ବାଆ
ମୁଁ ଚୋରା ଚଇତିର ଗୀତି !



ତମେ ପହିଲି ଫଗୁଣେ ରଙ୍ଗର ଅବିର
ମୁଁ ସାତ ରଙ୍ଗ ପ୍ରଜାପତି
ତମେ ହୃଦୟ କନ୍ଦରେ ସ୍ମୃତିର ଝରଣା
ମୁଁ ତମ ଅପରୂପ କାନ୍ତି !

ତମେ ବସନ୍ତ ବୁକୁରେ ଶେଫାଳିର ହସ
ମୁଁ ଶରତର ଶୁଭ୍ର ଶଶୀ
ତମେ ଧାରା ଶ୍ରାବଣରେ ବଉଦର ଝଡ଼
ମୁଁ ଝଡ଼ ଶେଷ ଶାନ୍ତ ନିଶି !



ତମେ ନୀରବ ସକାଳ ସରସୀର ଫୁଲ
ମୁଁ ବାଦଲ ଉହାଡ଼ ଜହ୍ନ
ତମେ ଆସବା ନ ଆସ ଜୀବନରେ ସାଥୀ
କେବେ ହଜିବନି ସ୍ମୃତି ଚିହ୍ନ !




ପବିତ୍ର କୁମାର ନାୟକ
କେଲୁଆପଲ୍ଲୀ, ଗଞ୍ଜାମ

0 Comments