"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଅନୁରାଗୀ - ପବିତ୍ର କୁମାର ନାୟକ

ଅନୁରାଗୀ - ପବିତ୍ର କୁମାର ନାୟକ

ଯେଉଁ ଫଗୁଣର ଅବିରକୁ ପ୍ରିୟା
ସାଇତି ଥିଲି ମୁଁ ଦିନେ
କିଏ ଜାଣିଥିଲା ବସନ୍ତ ଛୁଆଁରେ
ଭରି ଦେବ କୋହ ମନେ ॥

ଯେଉଁ ବସନ୍ତର ସୁଲୁ ସୁଲୁ ବାଆ
ଦେଇ ଥିଲା ମିଠା ସ୍ବପ୍ନ
କିଏ ଜାଣିଥିଲା ମଳୟେ ଆସିଣ
ଭାଙ୍ଗି ଦେବ ବୋଲି ମନ ॥

ଯେଉଁ ମଳୟର ମୃଦୁ ମୂର୍ଚ୍ଛନାରେ
ଭରି ଯାଉଥିଲା ପ୍ରୀତି
କିଏ ଜାଣିଥିଲା ଅଦିନେ ବହିଵ
କାଳ ବଇଶାଖି ତାତି ॥

ଯେଉଁ ଚଇତିର ପହିଲି ଛୁଆଁରେ
ଯାମିନୀ ଜୋଛନା ଢାଳେ
କିଏ ଜାଣିଥିଲା ଜାଳିଦେବ ସ୍ମୃତି
ପ୍ରୀତିର ସମାଧି ତଳେ ॥

0 Comments