"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ମୋ ଲେଖନୀ - ସୁନୀଲ କୁମାର ବେହେରା

ମୋ ଲେଖନୀ - ସୁନୀଲ କୁମାର ବେହେରା

ଲେଖନୀ ଗୋ ତୁମେ ବିପ୍ଲବୀ ଶ୍ରମିକ
ମ‌ଉନେ କେବେ ନ ରୁହ
କବିର କବିତା ଗୀତିନାଟ୍ୟ ଗାଥା
ସବୁ ତୁମେ ଲେଖିଦିଅ ।।୧।।

ତୁମେ ପରା ସାଥୀ ଯୁଗ ଯୁଗରୁ ଯେ
ମଣିଷର ଅନ୍ତରଙ୍ଗ
ଅହରହ ତୁମେ ନିର୍ଯ୍ୟାସେ ଆଙ୍କୁଛ
ପ୍ରଣୟର ସପ୍ତରଙ୍ଗ ।।୨।।



ଏନ୍ତୁଡ଼ିଶାଳର କାହାଣୀ ହେଉବା
ଶୋଭାଯାତ୍ରା ମରଣର
ସବୁଠି ସଜାଅ କବି ଭାବନାକୁ
ନ ହୋଇ ତିଳେ ଗମ୍ଭୀର ।।୩।।

କେତୋଟି ପ‌ଇସା ମୂଲ୍ୟ ହେଉପଛେ
ନୁହଁ ଯେ ତୁମେ ଦୁର୍ବଳ
ବ୍ୟକ୍ତିର ବ୍ୟକ୍ତିତ୍ୱ ପ୍ରତିଭା ବିକାଶେ
ତୁମେ ଅନ୍ତରର ବଳ ।।୪।।



ମୋର ମନଲେଖା ତୁମରି ପାଇଁକି
ଆଙ୍କୁଛି ମୁଁ ରାତିଦିନ
ଅତି ଆପଣାର ବନ୍ଧୁ ତୁମେ ମୋର
କରନି ମୋଠାରେ ମାନ ।।୫।।

ତୁମରି ତୀକ୍ଷ୍ଣ ମୁନରେ ଲେଖିଛି
ଭାବନାକୁ କେତେ ମୋର
ଜାଗ୍ରତ କରାଇ ସତ୍ୟ,ଧର୍ମ, ପଥେ
କରିଦିଅ ଆପଣାର ।।୬।।



କାଳର ଅନ୍ତିମ କରାଳ ଗତିରେ
ଜୀବନ ମୋ ଚାଲିଯିବ
ଶେଷ ସୂର୍ଯ୍ୟୋଦୟ ଆସିବା ପର୍ଯ୍ୟନ୍ତ
ସାଥୀ ମୋର ନ ଛାଡ଼ିବ ।।୭।।

ଅମୃତବେଳାର ଅମୃତଲଗ୍ନରେ
ତୁମେ ସାଥୀ ପରା ମୋର
ଜାଗ୍ରତ କରାଇ ଚିରନ୍ତନ ପଥେ
ଆଙ୍କିଦିଅ ବାରମ୍ବାର ।।୮।।



ହୃଦୟରୁ କୋଟି ପ୍ରଣାମ କରୁଛି
ହେ... ବନ୍ଧୁ ଲିଖନୀ ମୋର
ତୁମ ସାଥେ ବନ୍ଧୁ ବାନ୍ଧି ହୋଇଯାଉ
ସଂପର୍କ ସାତ ଜନ୍ମର ।।୯।।




ସୁନିଲ୍ କୁମାର୍ ବେହେରା, ଶିକ୍ଷକ
ନୂଆଗାଁ, ପଥରବନ୍ଧ, ଟାଙ୍ଗୀ, ଖୋର୍ଦ୍ଧା
ମୋ- ୮୦୧୮୯୯୭୬୯୬

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।