ବାତ୍ୟା ଜନିତ ଅସୁବିଧା କାରଣରୁ କ୍ଷୁଦ୍ରଗଳ୍ପ ଓ କବିତା ପ୍ରତିଯୋଗିତାର ଫଳାଫଳ ମେ - ୧୦ ତାରିଖ ପରିବର୍ତ୍ତେ ଚଳିତ ମାସ ୩୧ ତାରିଖ ସୁଧା ଘୋଷଣା କରାଯିବ । ଏବଂ ଚଳିତ ମାସ ୨୩ ତାରିଖ ଠାରୁ କବିର ଘର ପ୍ରସ୍ତୁତ "ଆଜିର ଅତିଥି" କାର୍ଯ୍ୟକ୍ରମର ସାପ୍ତାହିକ ପ୍ରସାରଣ ସେବା ଆରମ୍ଭ ହେବ । ଅନିଚ୍ଛାକୃତ ଅସୁବିଧା ନିମନ୍ତେ ଦୁଃଖିତ ।

ଇଚ୍ଛା ହୁଏ - ରାଜେଶ କୁମାର ମୁଣ୍ଡ

ଇଚ୍ଛା ହୁଏ - ରାଜେଶ କୁମାର ମୁଣ୍ଡ

ଶୁଖିଲା ଧାରଟେ ହେଇ
ବହିଯା'ନ୍ତି କି ସମୁଦ୍ରକୁ,
ଉଡ଼ାଶିଖା ଚଢ଼େଇଟେ ହେଇ
ଛୁଇଁଯା'ନ୍ତି ଆକାଶ ।
ଫେରେଇ ଆଣନ୍ତି
ବାହୁଡା଼ ସମୟକୁ,
ଶୁଖିଲା ବାଲିର
ବିଡ଼ମ୍ବିତ ଭାଗ୍ୟରେ
ଖୋଜୁ ଖୋଜୁ ପାଇଯା'ନ୍ତି
ମୋତି ଥିବା ଗୋଟେ ଶାମୁକା ।
କାହାକୁ ହେଲେ କହିବି,
ଏସବୁ ତ ପାଗଳର ପ୍ରଳାପ,
ଅପୂରଣ ଦିବା ସ୍ବପ୍ନ ।
ଏମିତି କେତେ ଇଚ୍ଛା ଆସେ ଓ ଯାଏ,
ସମୟର ଅହଂକାରରେ
ବଳକା ଆୟୁଷ ସରିଯାଏ ।।




ରାଜେଶ କୁମାର ମୁଣ୍ଡ, ଧର୍ମଗଡ଼

0 Comments