"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ବ୍ୟବଛେଦ ଗଣତନ୍ତ୍ରର - ପବିତ୍ର କୁମାର ନାୟକ

ବ୍ୟବଛେଦ ଗଣତନ୍ତ୍ରର - ପବିତ୍ର କୁମାର ନାୟକ

ଗର୍ବିତ କାହିଁକି ମଣୁଅଛେ ଆମେ
ଯେଉଁଠି ସୁରକ୍ଷା ନାହିଁ
ବାହାପିଟୁ ଆମେ ଦୁନିଆ ଆଖିରେ
ନାରୀତ୍ୱର ଗାଥା ଗାଇ !

ଭାବଥରେ ତୁମେ ନୁହେଁ କି ଭଗିନୀ
ନୁହେଁକି ନିଜର ସେହି
ବଞ୍ଚି ଥାଉ ଥାଉ ମାରି ଦେଲ ତାକୁ
କେମିତି ସହିବ ବିହି !

କୁନି ଆଖିରେ ତା ହଜାରେ ସପନ
ଧୂଳିସାତ୍ ହେଇଗଲା
ରକ୍ଷକ ସାଜିଲା ଭକ୍ଷକ ଯେବେରେ
ଜୀବନଟା ଚାଲିଗଲା !

ନିର୍ଭୟାର ଚିତା ଶାନ୍ତ ନହେଉଣୁ
ଇତିଶ୍ରୀର ପ୍ରାଣ ନେଲ
ବେବିନାର ଜୁଇ ଲିଭିନାହିଁ ଆଜି
ଏକଥାକୁ ଭୁଲିଗଲ !

ମିଳିଲାନି ନ୍ୟାୟ କେମିତି ବିଚାର
କେମିତି ଆମ ସଂସ୍କୃତି
ଦୋଷୀ ଏଠି ପରା ମୁକ୍ତରେ ବୁଲନ୍ତି
କରନ୍ତି ସେ ରାଜନୀତି !

ବଞ୍ଚିଥିବା ଯାଏଁ ସୁପ୍ତଥିଲେ ଆମେ
ଆଜି କାହିଁ ହୋହଲ୍ଲା
ଗଣତନ୍ତ୍ର ଆମ ଉତ୍କଳ ରାଇଜେ
ଚାଲିଛିରେ ଠିଆ ପାଲା !

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।