"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ହେ ପ୍ରଭୁ - ଉଷାରାଣୀ ପଣ୍ଡା

ହେ ପ୍ରଭୁ - ଉଷାରାଣୀ ପଣ୍ଡା

ହେ ଦୟାସାଗର କରୁଣା ଭଣ୍ଡାର
ଠୁଳ କରିଅଛ ସାଇଁ ,
ଏ ଅଧମ ପ୍ରତି ଦିଅ ଦିବ୍ୟଦୃଷ୍ଟି
ପାପରୁ ଉଦ୍ଧାର ପାଇଁ ।।
କାୟା ମୋ ଅଚଳ ସରିଲାଣି ବଳ
ହୃଦେ ଭରିଲା ଆକୁଳ ,
ଆପଣା ସ୍ବାର୍ଥରେ ଲୋଭ ବିମୋହରେ
ହରାଇଲି ଥଳକୂଳ ।।
ଅମଡା ବାଟରେ ଅହଂକାର ଭରେ
ସତ୍ ପଥ ଭୁଲିଗଲି ,
ଦୁଷ୍କର୍ମରେ ମାତି ହଜିଲା ମୋ ମତି
ଆତ୍ମଗର୍ବେ ମଜ୍ଜିଗଲି ।।
ଏ ମାୟା ସଂସାର ମିଛଖେଳ ଘର
ସଦା ବ୍ୟାକୁଳିତ ମନ ,
ଦିଅ ସଦ୍ ବୁଦ୍ଧି ହର ମୋ ଦୁର୍ବୁଦ୍ଧି
ପାଦ ତଳେ ଦିଅ ସ୍ଥାନ ।।
ପ୍ରଭୁ ଜନାର୍ଦ୍ଦନ ଘେନ ନିବେଦନ
ଚିତ୍ତରୁ ନିବାର ଖେଦ ,
ଜଗତର ନାଥ ନକର ଅନାଥ
ଦିଅ ପ୍ରଭୁ ଆଶୀର୍ବାଦ ।।




ଉଷାରାଣୀ ପଣ୍ଡା, ସୋମପେଟା, ଆନ୍ଧ୍ରପ୍ରଦେଶ

0 Comments