Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଜୀବନ ଓ ମୁଁ - ପ୍ରଶାନ୍ତ କୁମାର ସାହୁ

*ଝୁଣି ବିଦାରି ବଞ୍ଚିବାକୁ ଶିଖାଅନି !*
ପାରିବ ତ କହିଦିଅ ପଦେ
ପ୍ରୟାସର ଅଧା ରାସ୍ତାରେ ଭେଟ ହେବ
ଭିନ୍ନ ଦୃଷ୍ଟି ଆଉ କିଛି ଆଈ ମା' ର
କାହାଣୀ ପେଡି ଧରି ...
ପାରିବକି ବିଘାତର ଧୂଳି ଝାଡି
ଧୈର୍ଯ୍ୟର ପଣତକାନିରେ....
ହସଟିକେ ଫୁଟାଇବକି
ତୁମରି ଓଠରେ.......
*ଦେଖି ମୋର କେଉଁ ନୂଆ ବିବର୍ଣ୍ଣ ମୁହଁକୁ............!*
*ନାଭିନାଡି କାଟିଲାବେଳେ କରିଲନି ଘୋଷଣା....*
ମହାଭାରତର ଅନ୍ତିମ ଶର ସନ୍ଧିବା
ଆଗରୁ ବୃହନ୍ନଳା ହେବାକୁ...!
ଶୂନ୍ୟ ପ୍ରତିଶ୍ରୁତି ଦେଇ ମହିମାମଣ୍ଡିତ
କରାଇନ କି ପ୍ରତିପାହୁଣ୍ଡର କୁରୁସଭାରେ...!
କରିନ କି ପ୍ରତିପ୍ରହାର
*ସୂତପୁତ୍ରରୁ କୌନ୍ତେୟର ପରିଚୟ*
*ଦେବାକୁ...................!*
କେତେଥର ମରାମତି କରିବି
ଏ ଅରଣ୍ୟ ଯୋଗପରେ
ସମ୍ପର୍କର ସେତୁବନ୍ଧକୁ ...!
ହଁ....ହଁ....ଦେଇଛ ସବୁକିଛି ପୋଡି
*ପାଉଁଶ କରିବାକୁ.........!*
ସ୍ବାର୍ଥର ଘୃତଟିକେ ଆଉ
ଅହଂକାରର ଯଷ୍ଟିଟିଏ ......
ଅନେକ ନିକୁମ୍ଭିଲା
*ବଟମୂଳ ସାକ୍ଷୀ ରହିବାକୁ....!*
କହିବ କି ଜୀବନ ! କିଏ ସେ ଆସିବ
ମୋ ନୀରବତାର ଉପତ୍ୟକାରେ
*ଅଙ୍ଗଦର ପାଦ ଥାପିବାକୁ .....!*



ପ୍ରଶାନ୍ତ କୁମାର ସାହୁ, ଛତ୍ରଗଡ, ଖୋର୍ଦ୍ଧା

Post a Comment

1 Comments

ଉପରୋକ୍ତ ବିଷୟଟି ଆପଣଙ୍କୁ କେମିତି ଲାଗିଲା ଦୟାକରି ନିଜର ମତାମତ ରଖନ୍ତୁ । ଆପଣଙ୍କ ଗଠନ ମୂଳକ ମତାମତ ନିଶ୍ଚୟ ବଣମଲ୍ଲୀର ମହକର ସମସ୍ତ ଲେଖକ ଲେଖିକା ମାନଙ୍କ ନିମନ୍ତେ ପ୍ରେରଣାଦାୟକ ହୋଇ ପାରିବ । ନିମ୍ନୋକ୍ତ କୋଠରୀ ମଧ୍ୟରେ ଆପଣଙ୍କ ମତାମତ ପ୍ରଦାନ କରନ୍ତୁ ।