OUR READERS STATUS AROUND THE GLOBE : INDIA-369114 CANADA-450 CHINA-889 FRANCE-2506 GERMANY- 2255 QATAR - 61 SINGAPORE - 1114 UNITED STATES - 15666 UNITED KINGDOM - 602 UNITED ARAB EMIRATES - 934 UKRAINE-47 UNKNOWN REGIONS-5943 (As On 31st May 2019)

ତୁମେ ହିଁ ତ ଜଣେ - ପ୍ରୀତିପ୍ରିୟା ମହାନ୍ତି

ତୁମେ ହିଁ ତ ଜଣେ - ପ୍ରୀତିପ୍ରିୟା ମହାନ୍ତି

ତୁମେ ହିଁ ତ ଜଣେ ଯା ପାଇଁ କି ମନେ
ତୋଳିଛି ପ୍ରେମ ନଅର,
ତୁମେ ହିଁ ତ ଜଣେ ଯା ପାଇଁ କି ହୃଦେ
ବହେ ପ୍ରେମ ପାରାବାର ।

ତୁମେ ହିଁ ତ ଜଣେ ଯା ପାଇଁ କି ମୁଁ
ଭୁଲିଯାଏ ଦୁଃଖ କ୍ଳେଶ,
ତୁମେ ହିଁ ତ ଜଣେ ଯା ପାଇଁ କି ମୁଁ
ମାଗଇ ଦେବ ଆଶିଷ ।



ତୁମେ ହିଁ ତ ଜଣେ ଯା ପାଖରେ ଥିଲେ
ଛୋଟ ଲାଗେ ସମୟଟା,
ତୁମେ ହିଁ ତ ଜଣେ ଯା ପାଇଁ କି ଭଲ
ଲାଗଇ ବରଷା ଛିଟା ।

ତୁମେ ହିଁ ତ ଜଣେ ଯା ପାଇଁ କି ମନ
ହୁଏ ଆନମନା ଆଜି,
ତୁମେ ହିଁ ତ ଜଣେ ଯା ପାଇଁ କି ମୋର
ନିଦ ଯାଇଅଛି ହଜି ।



ତୁମେ ହିଁ ତ ଜଣେ ଯା ପାଇଁ କି ମୁଁ
ମୋ ଠାରୁ ହୋଇଛି ଚୋରି,
ତୁମେ ହିଁ ତ ଜଣେ ଯା ପାଇଁ କି ମୁଁ
ନାହିଁ ହୋଇ ଆଉ ମୋରି ।

ତୁମେ ହିଁ ତ ଜଣେ ଯା ପାଇଁ କି ମୋ
ବଞ୍ଚିବାର ଇଚ୍ଛା ବେଶି,
ତୁମେ ହିଁ ତ ଜଣେ ଯା ପାଇଁ କି ଦୁଃଖ
ସହିଯାଏ ହସି ହସି ।



ତୁମେ ହିଁ ତ ଜଣେ ଯା ପାଇଁ କି ମୁଁ
ଜିଇବା ଯାଇଛି ଶିଖି,
ତୁମେ ହିଁ ତ ଜଣେ ଯା ପାଖରେ ମୋର
ଆଖି ରହିଯାଏ ଲାଖି ।

ତୁମେ ହିଁ ତ ଜଣେ ଯା ପାଇଁ କି ମୁଁ
ମନ କୁ ଦେଲି ହଜେଇ,
ତୁମେ ହିଁ ତ ଜଣେ ଯା ପାଇଁ କି ପ୍ରେମ
ପିଆସୀ ଯାଇଛି ହୋଇ ।






ପ୍ରୀତିପ୍ରିୟା ମହାନ୍ତି, ପୁରୀ

0 Comments