ଫଗୁଣ ଆସିଲେ - ଡକ୍ଟର ଲକ୍ଷ୍ମଣ ସାହୁ

ଫଗୁଣ ଆସିଲେ - ଡକ୍ଟର ଲକ୍ଷ୍ମଣ ସାହୁ

ଫଗୁଣ ଆସିଲେ ଭାରି ଭଲ ଲାଗେ
ତମେ ପାଖେ ଥିଲେ ମୋର
ମୁଠିଏ ଅବିର ଦେହେ ବୋଳି ଦେଲେ
ସ୍ମୃତି ହେବ ମୋ ପ୍ରେମର ।

ଅଛୁଆଁ ଦେହକୁ ଛୁଇଁ ଦେବ ଥରେ
ପ୍ରୀତି ରଙ୍ଗ ଫଗୁ ନେଇ
ଭିଜା ଦେହ ମୋର ରଙ୍ଗରେ ଭିଜିବ
ପ୍ରେମେ ଆନମନା ହୋଇ ।


କୋଇଲି ରାବିବ କୁହୁ କୁହୁ ତାନେ
ପ୍ରେମର ଗଜଲ୍ ନେଇ
ପୂର୍ଣ୍ଣିମା ରାତିରେ ପାଶେଥିବ ତମେ
ଅଭିସାରିକା'ଟି ହୋଇ ।

ପ୍ରୀତି ଫଗୁଣର ପ୍ରେମ ରଙ୍ଗ ନେଇ
ବୋଳି ଦେବ ମୋର ମଥେ
ସିନ୍ଥିର ସିନ୍ଦୂର ହୋଇ ଲାକ୍ଷି ଯିବ
ରହିଯିବି ତମେ ସାଥେ ।


ସାକ୍ଷୀ ରହିଯିବ ଆମ୍ରକୁଞ୍ଜ ମୂଳ
ଚୋରା ପିରତିକୁ ନେଇ
ମଳୟ ପବନ ବଉଳ ବାସ୍ନାରେ
କୋଳେ ଥିବ ତମେ ଶୋଇ ।

ନବ ମହ୍ଲାରର ଗୀତ ଗାଉଥିବ
କଅଁଳ ଚୁମ୍ବନ ଦେଇ
ଅଳସ ନୟନେ ସ୍ୱପ୍ନ ଦେଖୁଥିବ
କଳାକାହ୍ନୁ ଟିଏ ପାଇଁ ।


ନିର୍ଲଜ ଜହ୍ନଟା ହସୁଥିବ ଖାଲି
ଆମ ଏବନ୍ଧନ ଦେଖି
ଫୁଲେଈ ଫଗୁଣ ନିରବେ କହିବ
ହୋଇଲି ମୁଁ ତମ ସାକ୍ଷୀ ।



ଓଡିଆ ଭାଷା ଓ ସାହିତ୍ୟ ବିଭାଗ, ମହାନଦୀବିହାର ମହିଳା ସ୍ନାତକ ମହାବିଦ୍ୟାଳୟ, କଟକ, ଦୂରଭାଷ-୯୪୩୭୭୪୦୨୮୦

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।