Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ପ୍ରୀତିର ସ୍ଵାକ୍ଷର ସୁହାଗ ସିନ୍ଦୁର - ସଦାନନ୍ଦ ସାହୁ

ପ୍ରୀତିର ସ୍ଵାକ୍ଷର ସୁହାଗ ସିନ୍ଦୁର
ସିନ୍ଥି ରେ ନାଇଚି ମୋର,
ଏ ତ ପ୍ରେମର ପ୍ରତୀକ ତୁମ ସମର୍ପଣ
ଦେଇଚି ନୂଆ ଜୀବନ ॥

ପ୍ରେମ ପୂଜାରିଣୀ ସାଜିଛି ମୁଁ ଆଜି
ସାତ ଜନମର ସାଥୀ,
ପ୍ରେମଫଗୁ ସବୁ ବୋଳିଛି ଦେହରେ
ମନ ତ ଯାଇଚି ମାନି ॥


ନିନ୍ଦା ଅପବାଦ କେତେ ସହିଥିଲି
କୁଆଁରୀ ଜୀବନେ ମୋର,
ଟୋପାଏ ସିନ୍ଦୁର ଦେଲା ପରିଚୟ
ଜୀବନ ହୋଇଛି ଧନ୍ୟ ॥

ସରାଗେ ଦେଇଛ ନାଲି ଶଙ୍ଖା ଚୁଡ଼ି
ହୃଦୟର ରାଣୀ ବୋଲି,
ମଥାରେ ଓଢଣୀ ଦେଇଛ ତ ଢାଙ୍କି
କୁଳବଧୂ ବୋଲି ମୁଁହିଁ ॥


ମୋ ପାଦ ପାଉଁଜି ଶବଦରେ ଆଜି
ପ୍ରେମଗୀତି ବାଜି ଉଠେ,
ମୋ ହାତ ମେହେନ୍ଦି ଚିତିର ରେ ଆଜି
ତୁମ ପ୍ରୀତିଛବି ଭାସେ ॥

କୁହ ପ୍ରାଣପ୍ରିୟ କଲ କି କୁହୁକ
ପ୍ରେମରେ କିମିଆଁ କରି,
ତୁମ ଅଗଣାରେ ଚାଲୁଛି ମୁଁ ଆଜି
ବଧୂବେଶେ ଢଳି ଢଳି ॥


ଜୀବନ ମୋହର ହୋଇଛି ସାର୍ଥକ
ପ୍ରେମର ପରଶ ପାଇ,
ଦେହମନ ସବୁ ତୁମ ସମର୍ପଣେ
ଜନ୍ମ ଜନ୍ମାନ୍ତର ପାଇଁ ॥

ସଂସାର ଗଢିବା ଆମେ ଦୁଇମନ
ସୁନା ନୀଡଟିଏ ଗଢି,
ପ୍ରୀତି ହସ ଫୁଲେ ଶାବକ ଶୋଇବେ
ପ୍ରେମ ସ୍ଵପ୍ନେ ଯିବା ହଜି ॥






ସଦାନନ୍ଦ ସାହୁ, ଧୁରୁସିଆ, କଟକ

Post a Comment

3 Comments

  1. ଧନ୍ୟବାଦ ବଣମଲ୍ଲୀ ପରିବାର

    ReplyDelete
  2. ଅଶେଷ ଧନ୍ୟବାଦ ବଣମଲ୍ଲୀର ମହକ ପରିବାର ;

    ReplyDelete
  3. ଅଶେଷ ଧନ୍ୟବାଦ ବଣମଲ୍ଲୀର ମହକ ପରିବାର ; ସ୍ଵାଗତମ

    ReplyDelete

ଉପରୋକ୍ତ ବିଷୟଟି ଆପଣଙ୍କୁ କେମିତି ଲାଗିଲା ଦୟାକରି ନିଜର ମତାମତ ରଖନ୍ତୁ । ଆପଣଙ୍କ ଗଠନ ମୂଳକ ମତାମତ ନିଶ୍ଚୟ ବଣମଲ୍ଲୀର ମହକର ସମସ୍ତ ଲେଖକ ଲେଖିକା ମାନଙ୍କ ନିମନ୍ତେ ପ୍ରେରଣାଦାୟକ ହୋଇ ପାରିବ । ନିମ୍ନୋକ୍ତ କୋଠରୀ ମଧ୍ୟରେ ଆପଣଙ୍କ ମତାମତ ପ୍ରଦାନ କରନ୍ତୁ ।