"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଏଇ ସେବେଳ ଆସି ଯାଇଛି - ପବିତ୍ର କୁମାର ନାୟକ

ଏଇ ସେବେଳ ଆସି ଯାଇଛି - ପବିତ୍ର କୁମାର ନାୟକ

ଦିନଥିଲା ଠିକ୍ ଠାକ୍ ଥିଲା ସବୁକିଛି
ୠତୁମାନେ ନିରଵଛିନ୍ନ ଭାବେ
ଅଜାଡି ଦେଉଥିଲେ ଖୁସିର ସମ୍ଭାର
ପୁଲକିତ ହେଉଥିଲା ପ୍ରତିଟି ମୁହୂର୍ତ୍ତ
ଆଜିକିନ୍ତୁ ସେସବୁ କେଉଁଠି ଲୁଚିଯାଇଛି !

ଖାଁ ଖାଁ ଲାଗୁଛି ପୃଥିବୀଟା,
ନା ଅଛି ଝରଣାର କୂଳୁକୂଳୁ ତାନ,
ନା ଅଛି ବିହଙ୍ଗର ବିଚରଣ,
କେଉଁଠି ଅଦିନେ ବରଷା,
ପୁଣି କେଉଁଠି ଝଡ଼.....
କେଉଁଠି ମରୁଭୂମି ପ୍ଲାବିତ ହେଲାଣି
ବୈଶାଖୀ ଝାଞ୍ଜିର ଆବରଣ ଛାଡି,
ପୁଣି କେଉଁଠି ଚିରସ୍ରୋତା ନଦୀ
ପୂର୍ଣ୍ଣଛେଦ ଟାଣିଲାଣି ଛାଡି ଶୂନ୍ୟରଡ଼ି........!!

କିନ୍ତୁ ଆମେ ଆଜିବି ସୁପ୍ତ !
କେବେ ଆଉ ବୁଝିବା ପ୍ରକୃତିର ଅକୁହା କଥାକୁ !
ନିଜର ସବୁକିଛି ସମର୍ପି ଦେଇ,
ସେ ଆଜି ହତାଶ......,
ସମସ୍ତଙ୍କ ମନରେ ଖୁସି ଭରିବାକୁ
ଆଜିବି ସେ କରୁଛି ପ୍ରୟାସ..... !!!

ଆମେ ଛଡେଇ ନେଇଛେ ତା କୋଳରୁ ତା'ର ସବୁଜିମା,,,
ଲୁଟି ନେଇଛେ ତା'ର ସର୍ବସ୍ବ....!
ସେ ଆଜି ଆଉ ସହିପାରିନି
ଧୀରେ ଧୀରେ ଆମକୁ ସୁଚେଇବାରେ ଲାଗିଛି,,
ଆମେ ଆଉ କେବେ ବୁଝିବା,,
ପ୍ରକୃତି କହୁଛି.......
ଏଇଦେଖ ସେବେଳ ଆଜି ଆସିଯାଇଛି.....,!!!!




ପବିତ୍ର କୁମାର ନାୟକ, କେଲୁଆପଲ୍ଲୀ, ଗଞ୍ଜାମ

1 Comments

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।