"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ଫଗୁଣଟା ଆସିଲାଣି - କିଶୋର କୁମାର ପଣ୍ଡା

ଫଗୁଣଟା ଆସିଲାଣି - କିଶୋର କୁମାର ପଣ୍ଡା

ତୁମେ ଭରିଅଛ ଫୁଲ ପାଖୁଡ଼ାରେ
ଇନ୍ଦ୍ରଧନୁର ରଙ୍ଗ
ତୁମେ ଶିଖେଇଛ ନିଆଶୀ ମନରେ
ଜୀଇଁବାର ନୂଆ ଢଙ୍ଗ ।।

ତୁମ ଆଗମନେ ପଲ୍ଲବୀତ ଏଠି
ଜୀବନର ଶୁଷ୍କ ତରୁ
ତୁମରି ଛୁଆଁରେ ଚନ୍ଦନ ମହକ
ଭାସିଆସେ ମଳୟରୁ ।।



ଜହ୍ନ ବିଞ୍ଚିଲାଣି ଶୀତଳ ଜୋଛନା
ସଜେଇ ହେଲାଣି କଇଁ
ସୁନେଲି ସପନ ସବୁରି ଆଖିର
ଇଲାକାକୁ ଯାଏ ଛୁଇଁ ।।

ମଧୁମୟ ନବ ବଧୁ ପରି ଦେଖ
ଧରଣୀ ହେଲାଣି ସଜ
ଫୁଲମାନେ ଯେତେ ଫୁଲେଇ ହେଲେଣି
ଫୁଟିଲେଣି ଛାଡି ଲାଜ ।।



ପଞ୍ଚମ ତାନରେ କୋଇଲି ଗାଉଛି
ମନକୁ ନେଉଛି କିଣି
ପ୍ରଜାପତି ଚୁପି କାନେ କହିଯାଏ
ଫଗୁଣଟା ଆସିଲାଣି ।।




କିଶୋର କୁମାର ପଣ୍ଡା
ବାଲିକୁଦା, ଜଗତସିଂହପୁର
ମୋ-୮୬୫୮୪୧୭୧୫୮

0 Comments