Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ତୁମ ପରି କିଏ ହେବ - ପ୍ରଶାନ୍ତ କୁମାର ନାଥ

ତୁମ ପରି କିଏ ହେବ
ଧନ ସୁନା ଡାକୁଥିବ
ରାଗିଗଲେ ଥରେ ମନେଇବା ପାଇଁ
ମିଠା କଥା କହୁଥିବ ॥

ତୁମ ପରି କିଏ ହେବ
ମିଠା କଥା କହୁଥିବ
ମନଟି ମୋହର ଉଦାସ ଦେଖିଲେ
ଓଠେ ହସ ଭରୁଥିବ ॥


ତୁମ ପରି କିଏ ହେବ
ଓଠେ ହସ ଭରୁଥିବ
ମୋର ଯଦି ଟିକେ ହୋଇଯାଏ କିଛି
ଲୁଚି ଲୁଚି କାନ୍ଦୁଥିବ ॥

ତୁମ ପରି କିଏ ହେବ
ଲୁଚି ଲୁଚି କାନ୍ଦୁଥିବ
ମୋତେ ଦେଖି ପୁଣି ହସିବାର ସତେ
ଅଭିନୟ କରୁଥିବ ॥


ତୁମ ପରି କିଏ ହେବ
ଅଭିନୟ କରୁଥିବ
ପାଟିକୁ ମୋହର ନରୁଚିଲେ କିଛି
ନିଜ ହାତେ ଖୋଉଥିବ ॥


ତୁମ ପରି କିଏ ହେବ
ନିଜ ହାତେ ଖୋଉଥିବ
ମୋ ନିଜଠାରୁ ମୋତେତ ଯେମିତି
ଭଲ ବେଶି ପାଉଥିବ ॥






ପ୍ରଶାନ୍ତ କୁମାର ନାଥ, ସୁନ୍ଦରପୁର, ଉତ୍ତରକୂଳହାଟ, ପ୍ରୀତିପୁର, ଯାଜପୁର,
ମୋ-୮୩୧୦୩୨୮୩୪୫

Post a Comment

0 Comments