Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ନାରୀ - ପବିତ୍ର କୁମାର ନାୟକ

ଗଢିଚି ବିଧାତା ସୃଷ୍ଟି ରଚୟିତା
ଜଗତର ହିତ ପାଇଁ
ଖୋଲେନାହିଁ କେବେ କୋହର ଗଣ୍ଠିଲି
ଦୁଃଖ ଅନୁତାପ ସହି !

ହୁଏ ନାହିଁ କେବେ ମନ ବିଚଳିତ
ହୃଦୟେ ଲୁଚାଏ କୋହ
ପରକି ଆପଣା ନଥାଏ ତ ଜଣା
ହସ ହସ ତା'ର ମୁଁହ !


ଜନନୀ ଭଗିନୀ ଜାୟା ସାଜି ସେତ
ନିଜର କର୍ତ୍ତବ୍ୟ କରେ
ତିଳେହେଁ ମନରେ ସଂକୋଚ ନଥାଏ
ତିଳ ତିଳ ହୋଇ ଜଳେ !

ଭୁଲିଯାଅ ନାହିଁ ସୃଷ୍ଟିକର୍ତ୍ତ୍ରୀ ଯିଏ
ଧ୍ବଂସ ବି ତାହାରି ହସ୍ତେ
ଅପରାଧ କରେ ଏମାୟା ସଂସାରେ
ନାଶଯାଏ ସେତ ନିଶ୍ଚେ !


ନାରୀ ଓ ପୁରୁଷ ସୃଷ୍ଟିର ପାଇଁତ
ଉଭୟେ ପରିପୂରକ
କାହିଁକି ଆଜି ଏ ବାଛ ବିଚାରହେ
କାହାପାଇଁ ମନେ ଦୁଃଖ !



ପବିତ୍ର କୁମାର ନାୟକ, କେଲୁଆପଲ୍ଲୀ, ଗଞ୍ଜାମ

Post a Comment

0 Comments