"ବଣମଲ୍ଲୀର ମହକ ଗଳ୍ପ ପ୍ରତିଯୋଗିତା" ଏବଂ "କବିର ଘର କବିତା ପ୍ରତିଯୋଗିତା" ରେ ନିଜକୁ ସାମିଲ କରନ୍ତୁ । ଅନଲାଇନ ମାଧ୍ୟମରେ ଏହି ପ୍ରତିଯୋଗିତା ଗୁଡିକରେ ଅଂଶଗ୍ରହଣ କରିବା ନିମନ୍ତେ ୱେବ-ପୋର୍ଟାଲରେ ଉପଲବ୍ଧ ଥିବା LITERACY CONTEST ଫଳକକୁ କ୍ଲିକ କରି ଆଗକୁ ବଢନ୍ତୁ ।

ମୋ ଗାଁରେ ସକାଳ - ରୀତା ଅପରାଜିତା ମହାନ୍ତି

ମୋ ଗାଁରେ ସକାଳ - ରୀତା ଅପରାଜିତା ମହାନ୍ତି


ମୋ ଗାଁରେ ସକାଳ ଆସିଲେ
ପାଖ ମନ୍ଦିରରୁ ଘଣ୍ଟ- ଘଣ୍ଟା ବାଜି ଉଠେ ;
ବୋଉ ସାରୁଛି ବାସି ପାଇଟି
ଖରକି ଦେଲାଣି ଅଗଣା
ସାନ ଖୁଡି ଝାଡୁଛନ୍ତି ବାସି ବିଛଣା
ନୂଆ ବୋହୂଟି ଥିରିଥିରି ପାଦରେ
ଫେରୁଛି ପୋଖରୀ ତୁଠରୁ
କି ସୁନ୍ଦର ମୃଦୁମନ୍ଦ ପବନ ସକାଳର
ନିଧି ନନା ପଖାଳ -ମଦରଙ୍ଗା
ଶାଗ ଭଜାରୁ ପେଟେ ଖାଇ
ବାହାରି ପଡିଲାଣି ବିଲକୁ
କରିବାକୁ ହଳ
ସବୁଦିନ ଆସେ ସକାଳ
ହେଲେ ପ୍ରତ୍ଯେକ ଦିନ
ନୂଆ ନୂଆ ବାସେ
ମୋ ଗାଁର ସକାଳ ।
ସକାଳ ସୂର୍ୟ୍ଯ ଆସିବା ଯଦିଓ ସମାନ ନଥାଏ
ଗାଁର କୁକୁଡା ଡାକ ହେଉ ବା
ବୋଉର ହୁଳହୁଳି ସ୍ବର
ପ୍ରତ୍ଯେକ ସକାଳରେ ନୂଆ ପ୍ରାଣ ଭରେ ।
ମୋ ଗାଁରେ ସକାଳ ଆସିଲେ
ପାଖ ମନ୍ଦିରରୁ ଘଣ୍ଟ -ଘଣ୍ଟା ବାଜି ଉଠେ ।।




ରୀତା ଅପରାଜିତା ମହାନ୍ତି
ସହସମ୍ପାଦିକା, ପୂଣ୍ୟତୋୟା ଜାହ୍ନବୀ ସାହିତ୍ୟ ସଂସଦ
ଆମ୍ରପଲ୍ଲୀ, ଶୈଳଶ୍ରୀ ବିହାର, ଭୁବନେଶ୍ଵର

1 Comments

  1. Rita aparajita mohantyMarch 20, 2018 at 8:24 PM

    ସତରେ ଆପଣ ମାନଙ୍କ ସକାଳର ଅନୁଭବ କେମିତି ରୁହେ ମୋ ସକାଳ ର

    ଅନୁଭବ ସବୁବେଳେ ନିଆରl

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି Anonymous User ଭାବେ ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ନିଜର ମତାମତ ତଳେ ଆପଣଙ୍କ ନାମ ଓ ଠିକଣା ପ୍ରଦାନ କରିବାକୁ ଅନୁରୋଧ ।