Information

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଆସୁଛି ବସନ୍ତ - ରଶ୍ମି ରଞ୍ଜିତା ମିଶ୍ର

ରଶ୍ମି ରଞ୍ଜିତା ମିଶ୍ର (ରୋଜି)
ବ୍ରାହ୍ମଣକୁଶଡିହ, ବାଲୁଗାଁ, ଖୋରଧା

ମନ ଝରକା ଡେଇଁ
ଚାନ୍ଦର ଟିକିଲି ନାଇ
ପହିଲି ଫଗୁଣ ରହିଛି କାନେଇ
କୋଇଲି ର କୁହୁ ପାଇଁ ।।

ମେଘ ର କୋଳ ରୁ ଇନ୍ଦୁ
ଡେଇଁ ଚାହେଁ ସପ୍ତସିନ୍ଧୁ
ସୁନେଲି କିରଣ ରକ୍ତିମ ଆଭା ରେ
ମୁକୁତା କାକର ବିନ୍ଦୁ ।।


ମୋ ଜୀବନ ଯମୁନାରେ
ଆଶା ର ଜୁଆର ଖେଳେ
କଅଁଳ ମନର ନରମ ସେନେହେ
ରଙ୍ଗ ଅବିର କୁ ଵୋଳେ ।।

ଦୁଃଖ ଦରଜା କୁ ଠେଲି
ସୁଖ ର ପସରା ମେଲି
ସାହାନାଇ ଫୁଙ୍କି ଆସିବ ଚଇତି
ଚାଖିବ ନିମ ଚକୁଳି ।।


ଜୋଛନା ର ଶାଢ଼ୀ ପିନ୍ଧି
ଗଭା ରେ ଗଜରା ବାନ୍ଧି
ବସନ୍ତ ପାଇଁ ମୁଁ ବାସନ୍ତୀ ସାଜିବି
କୁସୁମ ଡୋରୀ ରେ ଛନ୍ଦି ।।

Post a Comment

0 Comments