Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଉତ୍କଳିମା ଆଖିର ଲୁହ - ଆଶିଷ କୁମାର ବେହେରା

ଆଶିଷ କୁମାର ବେହେରା
ବାଲେଶ୍ୱର, ଓଡିଶା

ଧନ୍ୟ ତୋତେ ପୁଅ ବୁଝିପାରିଲୁଣି
ତା ଛାତି ଭିତର କୋହ,
ସଜାଗ ହେଇଯା, ଭସାଇ ନେବରେ
ଉତ୍କଳିମା ଆଖି ଲୁହ ।

ମା କାନ୍ଦେ ହେଲେ ଭେଣ୍ଡିଆ ପୁଅଟା
ଶୋଇଛି ପଖାଳ ଖାଇ,
କଳିଙ୍ଗ ମାଟିରେ ଜନ୍ମିବ ଭବାନୀ
ନିଜ ଝିଅ ରକ୍ଷା ପାଇଁ ।


କୁରୁସଭା-ସ୍ଥଳେ ମୌନ-ମହାରଥୀ
ବୋହିଲେ ଅଧର୍ମୀ ଆଖ୍ୟା,
ଧର୍ମଯୁଦ୍ଧେ ସେହି ପରାକ୍ରମୀଙ୍କର
ନୋହିଲା ଜୀବନ ରକ୍ଷା ।

ମା’ର କ୍ରୋଧରେ ଅଗ୍ନି ବରଷିବ
ତ୍ରିଲୋକ କମ୍ପି ଉଠିବ,
ଭସ୍ମ ହେଇଯିବ ରାକ୍ଷସ ସମାଜ
ଧର୍ମ ସ୍ଥାପନା ହେବ ।


କାନ୍ଦିଛି ପିପିଲି କାନ୍ଦୁଛି କୂନ୍ଦୁଲି
କାନ୍ଦୁଛି ଓଡ଼ିଆ ନାରୀ,
ଶୋଇଲା ପୁଅର ଗାଁ ବି କାନ୍ଦିବ
ତା ଭଉଣୀ ଶବକୁ ଘେରି ।

Post a Comment

0 Comments