ଶ୍ରୀ କଳ୍ପବଟ - ଇଂ ଦୀପ୍ତି ରଞ୍ଜନ ପଣ୍ଡା

ଶ୍ରୀ କଳ୍ପବଟ - ଇଂ ଦୀପ୍ତି ରଞ୍ଜନ ପଣ୍ଡା

ଇଂ ଦୀପ୍ତି ରଞ୍ଜନ ପଣ୍ଡା
ନିର୍ବାହୀ ଯନ୍ତ୍ରୀ, ଜଳସମ୍ପଦ ବିଭାଗ
ବାସ : ଆଇଗିଣିଆ, ଭୁବନେଶ୍ଵର

ଶିରୀକ୍ଷେତ୍ରେ ଧାମେ ଅଛି ଯେତେ ତୁମ
ଶ୍ରୀମନ୍ଦିର କଳ୍ପବଟ ସବୁଠୁ ପ୍ରାଚୀନ ॥୧॥
ଧ୍ଵଂସ ହୁଏ ନାହିଁ ଏହା ମହାପ୍ରଳୟରେ
ଆଶ୍ରିତ ପତ୍ରରେ ବିଷ୍ଣୁ ଶିଶୁର ରୂପରେ ॥୨॥
ସତ୍ୟଯୁଗେ ଥିଲା ଏହା ଇନ୍ଦ୍ରଙ୍କ ସ୍ଵର୍ଗରେ
ତ୍ରେତୟାରେ ଅବସ୍ଥିଲା ରାମ ଦରବାରେ ॥୩॥
ଦ୍ଵାପରରେ ରହିଥିଲା ସତ୍ୟଭାମାପୁରେ
କଳିରେ ବିରାଜିଅଛି ପୁରୀ ଶ୍ରୀମନ୍ଦିରେ ॥୪॥

କିମ୍ବଦନ୍ତୀ କହେ ଏହି ବୃକ୍ଷର ମୂଳରେ
ପୂଜିତ ଶ୍ରୀବିଷ୍ଣୁ ନୀଳମାଧବ ରୂପରେ ॥୫॥
ପରମ ଭକତ ବିଶ୍ଵାବସୁ ସେ ଶବର
କରୁଥିଲା ପୂଜା ନିତ୍ୟ ମହାପ୍ରଭୁଙ୍କର ॥୬॥
ମାନସିକ କରି ଯିଏ ବାନ୍ଧେ ବୃକ୍ଷେ କନା
ପୂର୍ଣ୍ଣ ହୋଇଥାଏ ନିଶ୍ଚେ ତା ମନୋକାମନା ॥୭॥
ସମସ୍ତଙ୍କ ମନୋବାଞ୍ଛା କରଇ ପୂରଣ
କଳ୍ପବଟ ନାମ ତେଣୁ କରିଛି ଧାରଣ ॥୮॥

2 Comments

  1. sahitya o bhaba thik achhi.composition aau kichhi sudhuriba darkara.sir

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।