Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ଏସନ ଫଗୁଣ ନୂଆ - ସିଦ୍ଧେଶ୍ଵର ତ୍ରିପାଠୀ

ସିଦ୍ଧେଶ୍ଵର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

କେତେ ଯେ ଫଗୁଣ ଆସିଛି ଜୀବନେ
ଏସନ ଫଗୁଣ ନୂଆ
ତୁମକୁ ପାଖରେ ପାଇଗଲା ପରେ
ମନ ହୁଏ ଅମାନିଆଁ ।

କିଛିନାହିଁ ଲୋଡା ଖାଲି ତୁମଛଡା
ତୁମେ ମୋର ସବୁକିଛି
ବହୁ ବିଳମ୍ବରେ ହେଉପଛେ ପ୍ରିୟା
ତୁମକୁ ପାଖେ ପାଇଛି ।
ଏ ଫଗୁଣ ମୋର ସ୍ମୃତି ପାଲଟିବ
ପାଇ ତୁମ ଓଠ ଛୁଆଁ
କେତେ ଯେ ଫଗୁଣ...


ବିରହ ଜୀବନେ ମିଳନ ଭରିଲ
ତୃଷାର୍ତ୍ତକୁ ଜଳ ଦେଇ
ଅଧୁରା ଅଧୁରା ସପନ ଗୁଡାକ
ସତ ହେଲା ତୁମପାଇଁ ।
ଏମିତି ବନ୍ଧନେ ବାନ୍ଧିଦେଲ ମୋତେ
ଆଉ ଛାଡିବିନି ତାହା
କେତେ ଯେ ଫଗୁଣ...

Post a Comment

0 Comments