Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ଜାନୁଆରୀ ଛବିଶି - ସନ୍ତୋଷ ପଟ୍ଟନାୟକ

ସନ୍ତୋଷ ପଟ୍ଟନାୟକ
ତିରିଡା, ବେଗୁନିଆପଡା, ଗଞ୍ଜାମ

ଜା:- ଜାଗ ବୀରଗଣେ ଧରଣୀ ବକ୍ଷରୁ
ପାପରାଶି କର କ୍ଷୟ
ଅକ୍ଷୟ ହେଉ ଏ ପୂଣ୍ୟ ଜଗତେ
ଯୁଗେଯୁଗେ ଧର୍ମଜୟ....

ନୁ:- ନୂଆ ଭାବନାକୁ ଜାଗାଦିଅ ମନେ
ବିଦ୍ରୋହ ହେଉ ବୈଶାଖୀ
କର ଅବା ମର ନୀତିକୁ ଆଦର
ଅତୀତକୁ କରି ସାକ୍ଷୀ......

ଆ:- ଆଗାମୀ ଭବିଷ୍ୟ ତୁମଠି ନିହିତ
ଗାନ୍ଧିଙ୍କର ରାମରାଜ୍ୟ
ହାତେ ହାତ ମେଳ ଏକତାହିଁ ବଳ
ନ' ହାର ସାହସ ଧୈର୍ଯ୍ୟ....

ରୀ:- ରୀତିନୀତି ସବୁ କଡ଼ ଲେଉଟିଛି
ଜରାଜୀର୍ଣ୍ଣରେ ଜନନୀ
ପରାଧିନତାର ଆର୍ତ୍ତ ଚିତ୍କାରରେ
ଭିଜାଏ ନୟନ ବେନି....

ଛ:- ଛବିଶି ତାରିଖ ଭଲକି ପରଖ
ପୂର୍ଣ୍ଣ ସ୍ଵରାଜ ଦିବସ
ସ୍ଵାଧିନର ଅର୍ଦ୍ଧ-ଶତାବ୍ଦୀ ପରେ'ବି
ଅସହାୟ ଅବଶୋଷ.....

ବି:- ବିଗତ ଦିନର ବାଜିରାଉତ ସେ
ବାର ବରଷର ଛୁଆ
ଦେଶ ଜାତି ପାଇଁ ଦେଲା ବଳିଦାନ
ହୃଦୟେ ଲଗାଇ ନିଆଁ...

ଶି:- ଶିକ୍ଷା ଦୀକ୍ଷା ତୁମ ଅଟଇ ଅନନ୍ୟ
ମୂଳମନ୍ତ୍ର ଅହିଂସାର
ସ୍ଵାଧିନ ସୂରୁଯ ପରାଧୀନ ପରାଗେ
ବେଳୁହିଁ ଉଧାର ବୀର.....

Post a Comment

0 Comments