ଜଗନ୍ନାଥ - ହରିହର ତ୍ରିପାଠୀ

ଜଗନ୍ନାଥ - ହରିହର ତ୍ରିପାଠୀ

ହରିହର ତ୍ରିପାଠୀ
କୁଣ୍ଡିଲୋ, କେରଙ୍ଗ, ଖୋରଧା

ଜଗନ୍ନାଥ ହେ କାହିଁକି ଡାକିବି ଆଉ
ତୁମେ ଥାଉ ଥାଉ ଭାସି ମୁଁ ଯାଉଛି
ଦେଖ ଦେଖ ମହାବାହୁ
ଜଗନ୍ନାଥ ହେ...

ମିଛେ ସିନା ତୁମ୍ଭେ ବାନା ଉଡାଉଛ
ପତିତପାବନ ବୋଲି
କେତେଯେ ପତିତ ଦୁଃଖେ ପଡିଛନ୍ତି
ଦେଖ ଚକାଆଖି ଖୋଲି
ଜଗନ୍ନାଥ ହେ...

ତୁମକୁ ମୁଁ ଆଉ ଡାକିବି କାହିଁକି
କରିବି ଆଉ ଭରଷା
ତୁମ୍ଭେ ଥାଉ ଥାଉ ସଭିଙ୍କ ଆଗରେ
ହେଲି ସିନା ଲୋକହସା
ଜଗନ୍ନାଥ ହେ...

ଯାହା ତୁମ ଇଚ୍ଛା କରହେ ଠାକୁର
ମୋହଠାରେ କୃପାକର
କହେ ହରିହର ଫେଡିଦିଅ ଦୁଃଖ
ଦାସ ମୁଁ ଅଟେ ତୁମ୍ଭର
ଜଗନ୍ନାଥ ହେ...

2 Comments

  1. ସୁନ୍ଦର ନିବେଦନ।ଜୟ ଜଗନ୍ନାଥ।

    ReplyDelete
  2. jaya jagannath

    ReplyDelete

ବଣମଲ୍ଲୀର ମହକ ତାହାର ପାଠକ ପାଠିକା ମାନଙ୍କ ନିକଟରୁ ସର୍ବଦା ଗଠନମୂଳକ ମତାମତ ଆଶା କରିଥାଏ । ଯାହାକି ଜଣେ ସ୍ରଷ୍ଟାଙ୍କୁ ଉଚିତ ମାର୍ଗ ପ୍ରଦର୍ଶନ କରିବାରେ ସକ୍ଷମ ହୁଏ । ଯଦି ଆପଣ ଉପରୋକ୍ତ ବିଷୟଟି ଉପରେ ନିଜର ମତାମତ ପ୍ରଦାନ କରିବାକୁ ଚାହୁଁଛନ୍ତି, ତେବେ ଆପଣଙ୍କ ଗୁଗୁଲି ଆକାଉଣ୍ଟ ମାଧ୍ୟମରେ ନିଜର ମତାମତ ପ୍ରଦାନ କରନ୍ତୁ ।