Information

"ସ୍ଵାଗତିକା" ସାହିତ୍ୟ ପତ୍ରିକା ନିମନ୍ତେ ଇ-ମେଲ, ହ୍ଵାଟସଆପ ଓ ଡାକ ମାଧ୍ୟମରେ କବିତା ପଠାନ୍ତୁ । କବିତା ପଠାଇବାର ଶେଷ ତାରିଖ ୩୦/୧୧/୨୦୧୮ ଏବଂ କବିତାର ପରିଧି ୧୬ ରୁ ୨୦ ଧାଡି ମଧ୍ୟରେ ରହିବା ଆବଶ୍ୟକ । Email - swagatika.nishikanta@gmail.com / WhatsApp - 8018646704 / By Post - The Chief Editor, Swagatika, At - Lokipur, PO - Gadamanatir, Dist - Khordha, Pin-752062, Odisha.

ମୟୂରାକ୍ଷୀ - ଗୈାରାଙ୍ଗ ଚରଣ ବେଉରା

ଗୈାରାଙ୍ଗ ଚରଣ ବେଉରା, ଶିକ୍ଷକ
କୁଲିଆମାଲ ଉଚ୍ଚ ବିଦ୍ୟାଳୟ, କଳାହାଣ୍ଡି

କଳ୍ପନାର ନେତ୍ରେ କାଳ ପ୍ରତି ସ୍ରୋତେ
ରୂପ ପରଖେ ତୁମର,
ଭାବନାର ସ୍ରୋତେ ଭାସିଯାଏ କେତେ
ଅଲିଭା ସ୍ୱପ୍ନ ଆମର ॥

ମନ ବୃନ୍ଦାବନେ ବଇଁଶୀ ବଜାଇ
ଦେଖୁଥିଲି ତୁମ ରୂପ,
ପ୍ରେମ ଯମୁନାରେ ବୁଡି ଯାଉଥିଲ
ଦେଇ ପ୍ରୀତି ଅଭିଶାପ ॥


ତରଙ୍ଗ ଜଳରେ ଦେଖୁଥିଲି ତୁମ
ପ୍ରୀତିଫୁଲ ଅବୟବ,
କାମନା ନିଆଁରେ ପୋଡି ଯାଉଥିଲି
ସ୍ମୃତି ଥିଲା ଅସମ୍ଭବ ॥

ଯୈାବନ ବୀଣାରେ ଗାଉଥାଅ ନିତି
କୋକିଳର କୁହୁତାନେ,
ମଧୁ ମଳୟରେ ପ୍ରୀତି ଝରଣାରେ
ଝିଂକାରିର ଶୁଭ ତାଳେ ॥


ସଂଜ ନଇଁଗଲେ ତୁମେ ଫୁଟିଉଠ
ଫୁଟାଇ ପ୍ରୀତି ମହକ,
ମୁଁ ମଧୁମକ୍ଷୀ ତୁମ ମହକରେ
ପିଉଥାଏ ମଧୁ ରସ ॥

ବର୍ଦ୍ଧିତ ରାତ୍ରୀର ତୁମେ କାମଧେନୁ
କାମ ସବାରୀ ମଲ୍ଲିକା,
ଅଂକେ ପ୍ରୀତି ଦେଇ ମୁଖେ ପ୍ରୀତି ନେଇ
ଅନ୍ଧକାରେ ଦିଅ ଦେଖା ॥


ପୀରତି କୁଂଜରେ ପୀରତି ନିଶାରେ
ପୀରତି ପଶାଖେଳରେ,
ହାରିଯାଅ ତୁମେ ହାରିଯାଏ ମୁହିଁ
ରାତି ଶେଷ ପ୍ରହରରେ.....???

Post a Comment

0 Comments