Children World

ଓଡିଆ ସାହିତ୍ୟ ଓ ସଂସ୍କୃତିର ନିଆରା ସ୍ଵର... ତିନିଶହରୁ ଉର୍ଦ୍ଧ ଲେଖକ ଲେଖିକା ଏବଂ ଦୁଇଲକ୍ଷରୁ ଉର୍ଦ୍ଧ ପାଠକ ପାଠିକା ମାନଙ୍କର ପ୍ରିୟ ଇ-ସାହିତ୍ୟ ୱେବ ପୋର୍ଟାଲ ବଣମଲ୍ଲୀର ମହକ ଆପଣଙ୍କୁ ସ୍ଵାଗତ ଜଣାଉଛି ।

ହସିବ ଜୀବନ ସୌଧ - ଶରତ ଚନ୍ଦ୍ର ଜାଲି

ଶରତ ଚନ୍ଦ୍ର ଜାଲି
ପଥରା, ଖଲ୍ଲିକୋଟ, ଗଞ୍ଜାମ

ସତର ଆୟୁଷ ସରିସରି ଗଲା
ଆଉ କ୍ଷଣେମାତ୍ର ବାକି
ବିଦାୟୀ ସତର କାନ୍ଦୁଛି ଅନ୍ତରେ
ମୁହଁ ତା ଯାଇଛି ଶୁଖି ॥

ଶୁଖିଲା ମୁହେଁ ସେ ନୀରବେ ଚାଲୁଛି
ସମୟର ରାଜପଥେ
ସେଇ ରାଜପଥେ ଭେଟହେଲା ସିଏ
ଦି ହଜାର ଅଠର ସାଥେ ॥


କହିଲା ସତର ଅଠର ଭାଇରେ
ଯାଉଛି ଦୁନିଆ ଛାଡି
ଏତିକି କହି ସେ ଅଠର ସମ୍ମୁଖେ
କାନ୍ଦିକାନ୍ଦି ଗଲା ଗଡି ॥

ଆସିଥିଲି ଦିନେ ଏ ମର୍ତ୍ତ୍ୟମଣ୍ଡଳେ
ଭାରିଯାକଯମକରେ
କେତେ ହସଖୁସି ବାଣ୍ଟୁଥିଲି ସବୁ
ସରିଗଲା କ୍ଷଣକରେ ॥


ଆଗମନକାଳେ ସଂଗେ ଆଣିଥିଲି
ବାରଗୋଟି ଯୁବାପୁଅ
ବିଦାୟବେଳରେ କେହିନାହିଁ ପାଶେ
ଅଛି ଖାଲି ଟୋପେଲୁହ ॥

ଏ ଦୁନିଆ ସତେ ଭାରିସ୍ୱାର୍ଥପର
ସର୍ବେ ସ୍ୱାର୍ଥପଛେ ଅନ୍ଧ
ଅଠର ବୁଝାଇ କହେ ସତରକୁ
ବନ୍ଦକର ତୁମ କାନ୍ଦ ॥


ଆସିବା ଯିବାତ ଲାଗିଛି ସଂସାରେ
ଏହା ବିଧାତାର ଖେଳ
ମୁଁ ଆଜି ଆସିଛି କାଲି ଚାଲିଯିବି
ସରିଗଲେ ମୋର ବେଳ ॥

ସେଥିପାଇଁ ଦୁଃଖ କରନା ସତର
ତୁମକୁ ମୋ ଅନୁରୋଧ
ହସିହସି ତୁମେ ହୋଇଲେ ବିଦାୟ
(ମୋର) ହସିବ ଜୀବନ ସୌଧ ॥

Post a Comment

1 Comments

  1. subhakanta sahu1/16/2018

    ଜୀବନ କୁ ବୁଝିଲେ ଜୀବନ ଜୀଇଁବା ସହଜ ହୋଇଥାଏ, ଏହା ୨୦୧୮ ର ଉକ୍ତି ରୁ ଜଣାଯାଏ।

    ReplyDelete

ଉପରୋକ୍ତ ବିଷୟଟି ଆପଣଙ୍କୁ କେମିତି ଲାଗିଲା ଦୟାକରି ନିଜର ମତାମତ ରଖନ୍ତୁ । ଆପଣଙ୍କ ଗଠନ ମୂଳକ ମତାମତ ନିଶ୍ଚୟ ବଣମଲ୍ଲୀର ମହକର ସମସ୍ତ ଲେଖକ ଲେଖିକା ମାନଙ୍କ ନିମନ୍ତେ ପ୍ରେରଣାଦାୟକ ହୋଇ ପାରିବ । ନିମ୍ନୋକ୍ତ କୋଠରୀ ମଧ୍ୟରେ ଆପଣଙ୍କ ମତାମତ ପ୍ରଦାନ କରନ୍ତୁ ।